SOCIAL MEDIA

Newsletter

PARTNER SITES
Select Language Select State

'मी एकदा नाही हजारदा...', बाळासाहेबांचा फोटो फाडल्याने वाद निर्माण झाल्यानंतर शायना एनसींची पोस्ट, 'हिंमत असेल तर...'; राऊतांचा संताप 'हे जिथे दिसतील...'

सोनिया गांधींचं पुस्तक फाडताना शिवसेना नेत्या शायना एनसींकडून बाळासाहेब ठाकरेंचा फोटो फाडला गेल्याने वाद निर्माण झाला आहे. यानंतर शायना एनसी यांनी एक्सवर पोस्ट शेअर करत ठाकरेंच्या शिवसेनेवर टीका केली आहे.

Reported By Shivraj Yadav Written By Shivraj Yadav
Published: Nov 18, 2026, 16:58 IST | Updated: Nov 18, 2026, 17:14 IST
Image Credit: बाळासाहेबांचा फोटो फाडल्याने वाद निर्माण झाल्यानंतर शायना एनसींची पोस्ट
Join

सोनिया गांधींचं पुस्तक फाडताना शिवसेना नेत्या शायना एनसींकडून बाळासाहेब ठाकरेंचा फोटो फाडला गेल्याने वादाला तोंड फुटलं आहे. सोनिया गांधी यांच्या पुस्तकाचा निषेध करण्यासाठी शिवसेना प्रवक्त्यांची पत्रकार परिषद आयोजित केली होती. यावेळी निषेध करण्याच्या नादात शायना एनसी यांच्याकडून बाळासाहेबांचा फोटो फाडला गेला. सोनिया गांधींच्या पुस्तकांमधील फोटो फाडताना हा प्रकार घडला आहे. यानंतर ठाकरेंची शिवसेना आक्रमक झाली असताना शायना एनसी यांनी एक्सवर पोस्ट शेअर करत उत्तर दिलं आहे. आपण मणिशंकर अय्यर यांचा फोटो फाडत होतो आणि हजारदा फाडणार असं त्यांनी म्हटलं आहे.

शायना एनसींची एक्स पोस्ट -

"याला म्हणतात चोराच्या उलट्या बोंबा! काँग्रेसच्या मांडीला मांडी लावून बसलेल्या उद्धव ठाकरे आणि त्यांच्या उबाठा सेनेला आज मणिशंकर अय्यर यांचा फोटो फाडल्याचा इतका पुळका का आला आहे? मी एकदा नाही, हजारदा मणिशंकर अय्यर यांचा फोटो फाडेन! सावरकरांचा अपमान करणाऱ्यांविरोधात माझा निषेध ठाम आहे आणि तो असाच राहील. हिंमत असेल तर सावरकरांचा अपमान करणारे पुस्तक फाडून दाखवा!," असं आव्हानच त्यांनी दिलं आहे.

हे ही वाचा - शायना एनसी यांनी बाळासाहेबांचा फोटो फाडल्यानंतर संजय राऊतांकडून दोन शब्दांत प्रतिक्रिया, म्हणाले...

पुढे त्यांनी म्हटलं आहे की, "बाळासाहेब ठाकरे यांनी मणिशंकर अय्यर यांच्या विधानांचा निषेध करत त्यांच्या पुतळ्याला जोडे मारले होते. मग आज उद्धव ठाकरे यांच्यात तीच हिंमत आहे का? सोनिया गांधी आणि राहुल गांधी यांच्या फोटोला जोडे मारून दाखवणार का? की काँग्रेसच्या सत्तेच्या आणि राजकीय स्वार्थाच्या मोहापुढे सावरकरांचा स्वाभिमानही गहाण ठेवला आहे?".

 

 

"एक गोष्ट स्पष्ट ऐका — मणिशंकर अय्यरचा फोटो असो किंवा सावरकरांचा अपमान करणारे पुस्तक, मी ते एकदा नाही, हजारदा फाडेन! स्वातंत्र्यवीर सावरकरांचा अपमान आम्ही कदापि सहन करणार नाही. त्यांच्या विचारांचा अपमान करणाऱ्यांना जशास तसे उत्तर देणे, हीच आमची भूमिका आणि हीच स्वातंत्र्यवीरांना खरी मानवंदना!," असं त्या म्हणाल्या आहेत.

'हे जिथे दिसतील तिथे यांना ठोका', संजय राऊतांचा संताप

संजय राऊत यांनीही बाळासाहेबांचा फोटो फाडल्याने एक्सवर पोस्ट शेअर करत संताप व्यक्त केला आहे. हे जिथे दिसतील तिथे यांना ठोका असं थेट आवाहनच त्यांनी केलं आहे. "हे जिथे दिसतील तिथे यांना ठोका. बोला शिंदे, ही असली अवलाद घेऊन तुम्ही बाळासाहेबांचा विचार वाढवताय?," अशी विचारणा त्यांनी केली आहे.

 

 

"अमित शहा यांच्या शिंदेसेनेचे लोक शिवसेना प्रमुख बाळासाहेब ठाकरे यांचा फोटो फाडत आहेत..कारण हे सगळे भाडोत्री आहेत, बरे झाले हे काळतोंडे आणि पांढऱ्या पायाचे लोक पळून गेले! याना ना कोणता विचार ना नैतिकता, ना एकच नेता ना निष्ठा..मा. बाळासाहेबांचा अपमान करणाऱ्या या सगळ्यांच्या ढुंगणावर जाहिरपणे चाबकाचे फटके मारले पाहिजेत! मला आशा आहे मराठी माणूस तरी माझ्या या भाषेवर आक्षेप घेणार नाही!," असं त्यांनी म्हटलं आहे.

 

Add Zee News as a Preferred Source
TAGS:

About the Author

शिवराज यादव झी 24 तास डिजिटलमध्ये सीनिअर सब एडिटर म्हणून कार्यरत आहेत. राज्यासह देश, विदेशातील चालू घडामोडींसह राजकीय, गुन्हेगारी विषयांवरील लिखाण ते करतात. हे लिखाण करताना ते सखोल पद्धतीने करण्याकडे कल असतो. वाचकाला बातमी अत्यंत सहजपणे समजावी यासाठी ती समजेल अशा पद्धतीने लिहितात. याशिवाय क्रीडा, मनोरंजन यांचीही आवड असल्याने त्या क्षेत्राशी संबंधित घडामोडींवरही लिखाण करतात.करिअरशिवराज यांनी 2009 मध्ये आपल्या पत्रकारितेतील करिअरला सुरुवात केली. सर्वात आधी Fotocorp संस्थेत कॅप्शन रायटर म्हणून काम केल्यानंतर पुढील 7 वर्ष त्यांनी टीव्हीमध्ये प्रदीर्घ अनुभव घेतला. लोकमतमधून ऑनलाइन पत्रकारितेला त्यांनी सुरुवात केली. त्यानंतर लोकसत्ता आणि सध्या झी 24 तास अशाप्रकारे त्यांच्याकडे 9 वर्षांचा अनुभव आहे.शैक्षणिक पार्श्वभूमीशिवराज यादव यांनी मुंबईतच आपलं शिक्षण पूर्ण केलं. मुंबई विद्यापीठ मान्यताप्राप्त एमडी कॉलेजमध्ये त्यांनी आर्टसमधून 12 वी उत्तीर्ण केली. यानंतर पुढील 3 वर्षं BMM मधून शिक्षण घेत पत्रकारितेत पदवी घेतली. यादरम्यान बातम्यांचं जग, त्याची समाजाला असणारी गरज आणि त्याचं महत्व याबद्दल चांगली समज निर्माण झाली.लेखन शैली आणि दृष्टीकोणशिवराज यांचं म्हणणं आहे की, प्रत्येक व्यक्तीला आपल्या आजुबाजूला तसंच देश, विदेशात नेमक्या कोणत्या घडामोडी घडत आहेत हे माहिती असलं पाहिजे. ही जबाबदारी माध्यमांवर जास्त असून, त्यांनी ती अवितरपणे पार पडली पाहिजे. प्रत्येक माहिती जशीच्या तशी वाचकांपर्यंत पोहोचवताना माध्यमांच्या खांद्यावर मोठी जबाबदारी असते.कोणत्या विषयांची सखोल जाणराजकीय घडामोडीचालू घडामोडीमनोरंजनक्रीडा
Read More

ZEENEWS TRENDING STORIES