SOCIAL MEDIA

Newsletter

PARTNER SITES
Select Language Select State

राष्ट्रवादीच्या विलीनीकरणासंदर्भात मोठी अपडेट! भाजपाकडून हिरवा कंदील मिळताच...; नेतृत्व कोणाकडे सोपवणार?

दोन्ही राष्ट्रवादी काँग्रेसच्या विलीनीकरणाच्या चर्चांना मागील काही दिवसांपासून वेग आला आहे. यादरम्यान भाजपाच्या भूमिकेची अद्याप प्रतिक्षा आहे.

Reported By Shivraj Yadav Written By Shivraj Yadav
Published: Nov 10, 2026, 07:46 IST | Updated: Nov 10, 2026, 09:22 IST
Image Credit: दोन्ही राष्ट्रवादी विलीनीकरणाची चर्चा सुरु असताना भाजपच्या भूमिकेची प्रतिक्षा ?
Join

राज्याच्या राजकारणात पुन्हा एकदा राष्ट्रवादी काँग्रेस चर्चेच्या केंद्रस्थानी असून, दोन्ही पक्ष एकत्र येणार असल्याच्या चर्चांना उधाण आलं आहे. दरम्यान राष्ट्रवादीच्या विलीनीकरणाच्या चर्चेत, भाजपच्या ग्रिन सिग्नल्सची प्रतिक्षा असल्याची सूत्रांची माहिती आहे. भाजपा नेमकी काय भूमिका घेणार याची प्रतिक्षा असल्याचं समजत आहे. तसंच विलीनीकरण झाल्यास पक्ष नेतृत्व ते अर्थ खाते कोणाकडे जाणार? यावर चर्चेच गुऱ्हाळ सुरू असल्याचे समजत आहे.

राष्ट्रवादी काँग्रेसच्या दोन्ही गटातील रस्सीखेच महत्वाकांक्षा, नेतृत्वाचा वाद आणि राजकीय अस्तित्व टिकवण्यासाठी लढाई सुरू असल्याचे दिसत आहे. भाजपची भूमिका काय हे अजून स्पष्ट झालेले नाही, भाजपच्या केंद्रीय नेतृत्वाने अद्याप कोणतेही संकेत दिले नसल्याने विलीनीकरण होणार की नाही याबाबत स्पष्टता नाही.


विलीनीकरणात प्रमुख अडचणी कोणत्या?

कोणता पक्ष कोणत्या पक्षात विलीन होणार? हा सर्वात मोठा प्रश्न आहे. शरद पवार राष्ट्रीय अध्यक्ष झाले तर त्यांचा अजित पवार गट स्वीकारेल का? आणि जयंत पाटील, जितेंद्र आव्हाड, आणखी एक आघाडी यांची भूमिका काय? केंद्रामध्ये सुप्रिया सुळे, सुनील तटकरे की प्रफुल्ल पटेल यांना संधी मिळणार? राज्यात विलीनीकरण झाले तर राष्ट्रवादीला अर्थ खाते दिले जाणार का? अशा अनेक अडचणी आणि प्रश्न विलीनीकरणाच्या मार्गात अडथळे निर्माण करत आहेत.


दरम्यान शरद पवार गट अस्वस्थ असल्याची माहिती आहे. कारण देशात भाजपविरोधी वातावरण असून हा विरोध अधिक तीव्र होण्याची शक्यता आहे. त्यामुळे आता भाजपासोबत जाणे योग्य राहील का? असा सूर पवार गटातील काही नेत्यांचा आहे. मात्र, विलीनीकरणाच्या मार्गातील अडचणी दूर करण्यासाठी बहुतांश निर्णय (सत्तेतील सहभाग आदी) भाजपाचाच असल्याने विलीनीकरणाची चर्चा वेगाने पुढे सरकण्यात अडथळे येत असल्याचे सांगितलं जात आहे.

प्रफुल्ल पटेल आणि पार्थ पवार या दोन्ही नेत्यांनी एकापाठोपाठ शरद पवार यांची भेट घेतल्याने या चर्चांना उधाण आलं असून आज किंवा उद्या प्रफुल्ल पटेल पुन्हा पवारांची भेट घेण्याची शक्यता आहे.

भाजपला विश्वासात घ्यावं लागेल - देवेंद्र फडणवीस

दोन्ही राष्ट्रवादींच्या विलीनीकरणाबाबत आमच्यासोबत कोणतीही चर्चा झालेली नाही अशी स्पष्ट भूमिका मुख्यमंत्री देवेंद्र फडणवीस यांनी मांडली आहे. दोन्ही राष्ट्रवादी स्वतंत्र पक्ष आहेत त्यांच्या पक्षांचे निर्णय त्यांनीच घ्यायचे आहेत. त्यांच्या अंतर्गत निर्णयांवर भाष्य करणं योग्य ठरणार नाही. मात्र दोन्ही पक्षांना एकत्र यायचं असेल किंवा विलीनीकरणाबाबत चर्चा करायची असेल तर भाजपला विश्वासात घ्यावं लागेल. कारण एनडीएमध्ये भाजप सर्वात मोठा भागीदार आहे असंही फडणवीस म्हणाले आहेत. 

Add Zee News as a Preferred Source
TAGS:

About the Author

शिवराज यादव झी 24 तास डिजिटलमध्ये सीनिअर सब एडिटर म्हणून कार्यरत आहेत. राज्यासह देश, विदेशातील चालू घडामोडींसह राजकीय, गुन्हेगारी विषयांवरील लिखाण ते करतात. हे लिखाण करताना ते सखोल पद्धतीने करण्याकडे कल असतो. वाचकाला बातमी अत्यंत सहजपणे समजावी यासाठी ती समजेल अशा पद्धतीने लिहितात. याशिवाय क्रीडा, मनोरंजन यांचीही आवड असल्याने त्या क्षेत्राशी संबंधित घडामोडींवरही लिखाण करतात.करिअरशिवराज यांनी 2009 मध्ये आपल्या पत्रकारितेतील करिअरला सुरुवात केली. सर्वात आधी Fotocorp संस्थेत कॅप्शन रायटर म्हणून काम केल्यानंतर पुढील 7 वर्ष त्यांनी टीव्हीमध्ये प्रदीर्घ अनुभव घेतला. लोकमतमधून ऑनलाइन पत्रकारितेला त्यांनी सुरुवात केली. त्यानंतर लोकसत्ता आणि सध्या झी 24 तास अशाप्रकारे त्यांच्याकडे 9 वर्षांचा अनुभव आहे.शैक्षणिक पार्श्वभूमीशिवराज यादव यांनी मुंबईतच आपलं शिक्षण पूर्ण केलं. मुंबई विद्यापीठ मान्यताप्राप्त एमडी कॉलेजमध्ये त्यांनी आर्टसमधून 12 वी उत्तीर्ण केली. यानंतर पुढील 3 वर्षं BMM मधून शिक्षण घेत पत्रकारितेत पदवी घेतली. यादरम्यान बातम्यांचं जग, त्याची समाजाला असणारी गरज आणि त्याचं महत्व याबद्दल चांगली समज निर्माण झाली.लेखन शैली आणि दृष्टीकोणशिवराज यांचं म्हणणं आहे की, प्रत्येक व्यक्तीला आपल्या आजुबाजूला तसंच देश, विदेशात नेमक्या कोणत्या घडामोडी घडत आहेत हे माहिती असलं पाहिजे. ही जबाबदारी माध्यमांवर जास्त असून, त्यांनी ती अवितरपणे पार पडली पाहिजे. प्रत्येक माहिती जशीच्या तशी वाचकांपर्यंत पोहोचवताना माध्यमांच्या खांद्यावर मोठी जबाबदारी असते.कोणत्या विषयांची सखोल जाणराजकीय घडामोडीचालू घडामोडीमनोरंजनक्रीडा
Read More

ZEENEWS TRENDING STORIES