SOCIAL MEDIA

Newsletter

PARTNER SITES
Select Language Select State

महाराष्ट्राला हादरवणारा प्रकार, 12 वर्षात 6 नवजात बाळांची विक्री; डॉक्टर दाम्पत्याला अटक

अमरावतीतील नवजात बाळ विक्री प्रकरणाला आता मोठं वळण मिळालं आहे. तब्बल 24 दिवसांपासून पोलिसांना गुंगारा देत फरार असलेल्या डॉ. वैशाली भोजने आणि त्यांचे पती प्रफुल्ल भोजने यांना अखेर पोलिसांनी अटक केली आहे.

Written By Mansi Kshirsagar Edited By Mansi Kshirsagar
Published: Nov 17, 2026, 11:36 IST | Updated: Nov 17, 2026, 11:40 IST
Image Credit: Amravati Dr Vaishali Bhojane shocking reveles
Join

अमरावतीच्या डॉक्टर वैशाली भोजने यांच्या रुग्णालयातून नवजात बाळ विकल्याच्या प्रकरणात धक्कादायक आणि मोठा खुलासा समोर आला असून डॉक्टर वैशाली भोजने यांनी बारा वर्षात सहा बाळ दुसऱ्यांच्या स्वाधीन केले असा धक्कादाय खुलासा पोलीस जबाबातून पुढे आला आहे. बाळ घेणाऱ्यांकडून पालकांना पन्नास हजार ते दीड लाखांपर्यंत रक्कम मिळाली असून अल्पवयीन मुलीची प्रसूती करून तिचे बाळ विकल्याचा गंभीर आरोप डॉक्टर वैशाली भोजने यांच्यावर आहे. बाळ विकल्यानंतर मिळालेली रक्कम जैविक पालकांना देण्यात आली मात्र आपण रक्कम न घेतल्याचा भोजने यांचा दावा असून भोजने दाम्पत्याला 20 नोव्हेंबर पर्यंत वाढीव पोलीस कोठडी देण्यात आली आहे.

अमरावती शहरातील साईनगर अकोली परिसरातून या दाम्पत्याला ताब्यात घेण्यात आलं. एका अल्पवयीन मुलीची प्रसूती आपल्या खासगी रुग्णालयात करून तिच्या नवजात बाळाची तब्बल 3 लाख 50 हजार रुपयांत विक्री करण्याचा प्रयत्न केल्याचा गंभीर आरोप या दाम्पत्यावर आहे. या प्रकरणात यापूर्वीच चार आरोपींना अटक करण्यात आली असून, त्यामध्ये बाळाच्या वडिलांचाही समावेश आहे. त्यामुळे या प्रकरणामागील संपूर्ण साखळी आणि आणखी कोणाचा सहभाग आहे. याचा तपास आता पोलिसांकडून केला जात आहे.

अमरावती शहरात 15 ऑक्टोबर रोजी उघडकीस आलेल्या नवजात बाळ विक्रीच्या प्रकरणाने संपूर्ण जिल्ह्यात खळबळ उडाली होती. एका अल्पवयीन मुलीची डॉ. वैशाली भोजने यांच्या रुग्णालयात प्रसूती करण्यात आली. मात्र प्रसूतीनंतर या नवजात बाळाची 3 लाख 50 हजार रुपयांत विक्री करण्याचा प्रयत्न झाल्याचा आरोप समोर आला. या घटनेनंतर प्रशासन आणि पोलिस यंत्रणा खडबडून जागी झाली. अमरावती महानगरपालिकेने संबंधित रुग्णालयाची तपासणी करून डॉ. भोजने दाम्पत्याच्या हॉस्पिटलला सील ठोकले. या प्रकरणी फ्रेजरपुरा पोलीस ठाण्यात गुन्हा दाखल करण्यात आला होता.

गुन्हा दाखल झाल्यानंतर डॉ. वैशाली भोजने आणि त्यांचे पती प्रफुल्ल भोजने हे फरार झाले होते. मात्र तब्बल 24 दिवसांपासून ते पोलिसांना सापडत नव्हते. अखेर पोलिसांनी तपासाची चक्रे वेगाने फिरवत अमरावती शहरातील साईनगर-अकोली परिसरातून दोघांनाही अटक केली. या अटकेमुळे नवजात बाळ विक्रीच्या कथित प्रकरणातील तपासाला महत्त्वाचे वळण मिळाले आहे.

या प्रकरणात आणखी कोणाचा सहभाग आहे?

नवजात बाळाच्या विक्रीचा व्यवहार नेमका कुठे आणि कोणासोबत ठरला होता? 3 लाख 50 हजार रुपयांच्या कथित व्यवहारामागे आणखी काही व्यक्ती आहेत का? तसेच या संपूर्ण प्रकरणात रुग्णालयाची आणि संबंधित व्यक्तींची भूमिका काय होती? या सर्व प्रश्नांची उत्तरे पोलिस तपासातून समोर येणार आहे एकीकडे अल्पवयीन मुलीच्या प्रसूतीचा गंभीर मुद्दा तर दुसरीकडे नवजात बाळाच्या कथित विक्रीचा धक्कादायक प्रकार. या प्रकरणाने वैद्यकीय क्षेत्रातील विश्वासार्हतेवरही प्रश्नचिन्ह निर्माण केले आहे.

२४ दिवस फरार राहिल्यानंतर डॉ. भोजने दाम्पत्याला अटक करण्यात पोलिसांना यश आले असले तरी या प्रकरणामागील संपूर्ण सत्य तपासातूनच समोर येणार आहे. आता पोलिसांच्या पुढील तपासाकडे संपूर्ण अमरावतीकरांचे लक्ष लागले आहे.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES