एकेरी उल्लेख करत नितेश राणेंची टीका, 'रोहित पवार हज यात्रेबद्दल कधी आपलं थोबाड उघडणार नाही, तिथे त्याला...'

भारतीय जनता युवा मोर्चा, नागपूर महानगर यांच्या वतीने ‘लोकतंत्र बचाओ, अराजकता हटाओ’ अभियानांतर्गत आयोजित ‘युवा शंखनाद’ कार्यक्रमादरम्यान नितेश राणे बुधवारी उपराजधानीमध्ये होते.

Reported BySwapnil Ghangale

Published: Nov 05, 2026, 07:40 AM IST|Updated: Nov 05, 2026, 08:13 AM IST

join share

एकेरी उल्लेख करत नितेश राणेंची टीका, 'रोहित पवार हज यात्रेबद्दल कधी आपलं थोबाड उघडणार नाही, तिथे त्याला...'

Image Credit: नाशिकमधील कुंभमेळ्यावरुन हल्लाबोल (फोटो सोशल मीडियावरुन साभार)

मुख्यमंत्री देवेंद्र फडणवीस यांच्या मंत्रिमंडळातील मंत्री नितेश राणेंनी कर्जत-जामखेडचे आमदार रोहित पवारांवर निशाणा साधला आहे. रोहित पवारांना नाशिकमधील कुंभमेळ्यासंदर्भातील कामांतील कथित भ्रष्टाचारासंदर्भात भाष्य करत या प्रकरणाच्या चौकशीची मागणी नाशिकमध्ये बुधवारी दुपारी घेतलेल्या पत्रकार परिषदेत केली. यावरुनच नितेश राणेंनी एकेरी उल्लेख करत रोहित पवारांवर टीका केली आहे.

रोहित पवार काय म्हणाले होते?

"कुंभेमळा कामांबाबत नागरिक नाराज आहेत. 35 हजार कोटींची कामं समाधानकारक नाहीत. सिमेंटचे रस्ते असताना फोडून पुन्हा रस्ते केले जात आहेत. यामुळे अनेक अपघात होतात. अनेकजण जायबंदी झालेत. आम्ही सुद्धा धार्मिक आहोत. मात्र त्याचे राजकारण आम्ही करत नाही. सर्वसामान्यांच्या करातून ही कामे होत असताना भ्रष्टचाराविषयी बोलण्यासाठी मी नाशिकमध्ये आलो आहे," असं रोहित पवारांनी पत्रकारांशी संवाद साधताना म्हटलं.

गोदावरीत पाणीच नसल्याचं रोहित यांचं विधान

धार्मिक भक्त असल्याने माझे आक्षेप आहेत. मिठाचा खडा म्हटले गेले मात्र कामातील खडे बघण्यासाठी मी आलो आहे. 2015 नाशिकमध्ये 2378 कोटी. उज्जैन 2017 मध्ये 47 कोटी, प्रयागराज 42 कोटी खर्च झाला. मात्र नाशिकमध्ये 35 हजार कोटी खर्च झालेला दिसत नाही. मला अनेक पुरोहित साधू महंत भेटले त्यांनीही या कामावर आक्षेप घेतला आहे. बाहेर कोट्यवधी रुपये खर्च होऊन उपयोग नाही. मात्र गोदावरीत पाणी नाही. प्रदूषण विभागाने ऑक्सिजन शून्य झाला आहे असे म्हटले आहे. तसेच केमिकलच्या पाण्याने कॅन्सर होऊ शकतो असे प्रमाण यात जाणवले आहे. अंबडमध्ये पाहणीत बिकट अवस्था आहे. ज्याने लोक बाधित होत आहेत. पाण्याचे प्रदूषण गंभीर संकट आहे," असं रोहित पवारांनी गोदावरीतील पाण्याची पातळी आणि दर्जाबद्दल चिंता व्यक्त करताना म्हटलं.

नक्की वाचा >>
'2047 मध्ये भारताला इस्लाम राष्ट्र बनविण्यासाठी...', जाहीर सभेत नितेश राणेंचं विधान; ‘एक दिवस भारतात...’; दिया मिर्झावरही साधला निशाणा

ध्वजारोहण कार्यक्रमातील गोंधळावरुन टीका

ध्वजारोहण कार्यक्रमावरही रोहित पवारांनी आक्षेप घेतला. "राष्ट्रपती येतात त्यांना काळाराम मंदिरात नेण्यात आले नाही हे दुर्दैव आहे. ध्वजारोहणात साधू महंत संत यांना बसण्यास जागा नव्हती. अधिकाऱ्यांचे नातेवाईक यांना जागा होती मात्र नाशिककरांना जागा नाही, दूजाभाव मोठ्या प्रमाणात झाला. भुजबळ यांनाही जागा देण्यात आली नाही, दोन्ही खासदारांना बोलावण्यात आले नाही, नगरसेवकांच्याही तक्रारी आहेत. पेशवेकालीन घाट उखडला, केवळ भ्रष्टाचार करायचा होता म्हणून हे करण्यात आले होते," असा आरोप रोहित पवारांनी केला.

नितेश राणेंचा टोला

नागपुरमध्ये याचसंदर्भात नितेश राणेंना पत्रकारांनी प्रश्न विचारला. "रोहित पवार हज यात्रेबद्दल कधी आपलं थोबाड उघडणार नाही. तिथे त्याला अनियमितता दिसणार नाही. रमजान सणावेळी मोहल्यामध्ये धिंगाणा घातला जातो तेव्हा रोहित पवार बडबडताना दिसला नाही. यांना फक्त हिंदू सणाच्या वेळी, हिंदू धर्माच्या वेळी भूमिका घेण्यासाठी सुपारी भेटली का? असा प्रश्न निर्माण झाला आहे," असं नितेश राणे म्हणाले. तसेच, "यांची भूमिका केवळ हिंदू सणाच्या वेळी असते. मात्र हज यात्रेच्या किंवा इतर सणाचे वेळी त्यांची भूमिका मांडताना आम्ही त्यांना बघितलं नाही. पश्चिम बंगाल येथील मशिदीच्या देणगीमध्ये अनियमितता झाली त्यावर रोहित पवार का बोलले नाही?" असा सवाल नितेश राणेंनी उपस्थित केला आहे.

Add Zee News as a Preferred Source

TAGS:

About the Author

Swapnil Ghangale

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.

न्यूज़
फोटो
व्हिडीओ

सर्व चाचण्या उत्तीर्ण पण डोळ्यांत तिरळेपणा म्हणून पोलीस भरतीतून बाहेर काढलं; SC चा निर्णय उमेदवारांच्या कामाचा!

प्रायव्हेट फोटो, विवस्त्र डान्स, अंगभर लिपस्टिक अन् तासंतास...; शिवा शर्मा ठरला श्रद्धाच्या क्रूरतेचा बळी, धक्कादायक खुलासे समोर