SOCIAL MEDIA

Newsletter

PARTNER SITES
Select Language Select State

गोकुळ संघर्षादरम्यान चर्चा चंद्रकांत पाटलांना आमदाराकडून मिळालेल्या 'त्या' गिफ्टची, 'भाजपने कशामुळे हे...'; गिफ्ट आहे तरी काय? त्यावर आक्षेप का?

गोकुळवरुन सत्तासंघर्ष तापलेला असतानाच आता भाजपाचे नेते चंद्रकांत पाटील यांना एका आमदाराने दिलेलं गिफ्ट चांगलेच चर्चेत आले आहे. यासंदर्भातच काँग्रेसकडून आक्षेप घेण्यात आला आहे. नेमकं हे गिफ्ट काय जाणून घेऊयात...

Reported By Swapnil Ghangale Written By Swapnil Ghangale
Published: Nov 10, 2026, 07:53 IST | Updated: Nov 10, 2026, 08:23 IST
Image Credit: नवनिर्वाचित आमदाराने दिलेलं गिफ्ट चर्चेत (प्रातिनिधिक फोटो)
Join

कोल्हापूर जिल्हा दूध संघ म्हणजेच गोकुळच्या निवडणुकीचा मुद्दा राज्यभरामध्ये चर्चेत असतानाच मागील आठवड्यापासून अधिक काळ हा मुद्दा राज्याच्या राजकारणाच्या केंद्रस्थानी आहे. असं असतानाच आत गोकुळच्या अध्यक्षपदासाठी निवडणूक होत आहे. मात्र शासनाने या प्रकरणामध्ये चार सदस्यांची संचालक मंडळावर नियुक्ती केल्याने अध्यक्ष काँग्रेसचे आमदार सतेज पाटील यांच्या नेतृत्वाखालील समविचार आघाडीचा बसणार की मंत्री हसन मुश्रीफ यांनी जोर लावलेल्या महायुतीच्या गटाचा हे आज स्पष्ट होणार आहे. मात्र गोकुळसंदर्भातील या वादादरम्यान गुजरातमधील 'अमूल' दूध महासंघाचाही अनेकदा उल्लेख झाल्याचं पाहायला मिळालं. पण मतदानाच्या दोन दिवस आधीच मंत्री चंद्रकांत पाटील यांना भेट देण्यात आलेल्या एका गिफ्टवरुन काँग्रेसकडून टीका करण्यात आली आहे. या भेटीला 'अमूल'चा संदर्भ आहे. 

कोणी आणि काय पोस्ट केलंय?

महाराष्ट्र प्रदेश काँग्रेस कमिटी सोशल मीडिया सेलचे प्रदेश अध्यक्ष असल्याचं आपल्या प्रोफाइलवर नमूद केलेल्या ऋषिकेश पाटील यांनी चंद्रकांत पाटलांना मिळालेल्या एका भेटीसंदर्भातील पोस्ट केली आहे. ऋषिकेश पाटील यांनी पोस्ट केलेला फोटो शिक्षक मतदारसंघाचे नवनिर्वाचित आमदार कौस्तुभ गावडेंनी चंद्रकात पाटलांची त्यांच्या घरी जाऊन भेट घेतली तेव्हाचा आहे. या फोटोमध्ये गावडे चंद्रकांत पाटलांना जी गोष्ट भेट देत आहेत त्यावरुनच काँग्रेसच्या या पदाधिकाऱ्याने आक्षेप घेतला आहे.

कशामुळे हे भाजपने सुरू केले आहे? याच्यामागे काय कारण आहे?

"हे आता जाणीवपूर्वक सुरू आहे का? शिक्षक मतदारसंघाचे नवनिर्वाचित आमदार कौस्तुभ गावडे यांनी आज (8 नोव्हेंबर रोजी) मंत्री चंद्रकांत पाटील यांची त्यांच्या निवासस्थानी भेट घेतली, अशी पोस्ट केली आहे. या भेटीत मुद्दाम अमूल डेअरी प्रोडक्ट दिसेल अशा पद्धतीने फोटो पोस्ट करण्यात आले आहेत. भाजप नेत्यांनी आता 'अमूल' प्रॉडक्ट भेट देण्याचा मुद्दाम प्रयत्न सुरू केला आहे. कशामुळे हे भाजपने सुरू केले आहे? याच्यामागे काय कारण आहे? लोकांनी 'अमूल'कडे वळावे हा केविलवाणा प्रयत्न भाजप नेते करत आहेत का ? 'गोकुळ'च्या गोंधळाच्या पार्श्वभूमीवर हे सर्व सुरू आहे का?" असा सवाल ऋषिकेश पाटील यांनी आपल्या पोस्टमध्ये विचारला आहे. 

सतेज पाटलांकडूनही 'अमूल'चा उल्लेख

गोकुळसंदर्भातील गोंधळादरम्यान सतेज पाटलांनी काही दिवसांपूर्वी मुंबईत घेतलेल्या पत्रकार परिषदेमध्येही 'अमूल'चा उल्लेख केला होता. मी गोकुळचे गुलाबजाम आणणार होतो. कारण कधी यावर 'अमूल'चे स्टीकर लागेल सांगता येत नाही, अशी टीका सतेज पाटलांनी केलेली. राज्य सरकारने गोकुळ दूध संघात पाच स्वीकृत संचालक नियुक्त करण्याचा निर्णय घेत चौघांना मतदानाचा अधिकार दिल्यानंतर सतेज पाटलांनी, "कोल्हापूरची सहकार परंपरा मोडीत काढून, मागच्या दाराने सत्ता बळकावत गोकुळचा ताबा 'अमूल'कडे सोपवण्याचा हा आटापिटा सुरू आहे," असा आरोप केला होता. केंद्र आणि राज्य सरकारच्या धोरणांवर टीका करताना सतेज पाटलांनी, "भविष्यात संपूर्ण देशात केवळ 'अमूल' आणि 'मदर डेअरी' हे दोनच मोठे दूध ब्रँड शिल्लक ठेवण्याचे सरकारचे मोठे षडयंत्र आहे," असंही म्हटलं होतं. 

सतेज पाटलांनी 'महानंद'चा संदर्भ देत 'अमूल'चा उल्लेख करत टीका केलेली. "महाराष्ट्रातील 'महानंदा' दूध संघाची दुरवस्था करून त्याचे व्यवस्थापन राष्ट्रीय संस्थेकडे देण्यात आले. याच धर्तीवर गोकुळच्या उत्पादनांवरही भविष्यात 'अमूल'चे स्टिकर लावले जाईल आणि स्थानिक शेतकऱ्यांच्या मालकीची संस्था गुजरातच्या मिल्क फेडरेशनच्या घशात घातली जाईल," असंही सतेज पाटील म्हणाले.

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES