SOCIAL MEDIA

Newsletter

PARTNER SITES
Select Language Select State

ठाण्यात थेट पोलीस आयुक्तांचाच मोबाईल हॅक, WhatsApp स्टेटसला शेअर केले 20 अश्लील व्हिडीओ, डिलीटही होईनात

ठाण्याचे पोलीस आयुक्त आशुतोष डुंबरे यांचाच मोबाईल फोन हॅक झाल्याने पोलीस दलात एकच खळबळ उडाली आहे.

Reported By Shivraj Yadav Written By Shivraj Yadav
Published: Nov 17, 2026, 19:08 IST | Updated: Nov 17, 2026, 19:12 IST
Image Credit: ठाण्यात थेट पोलीस आयुक्तांचाच मोबाईल हॅक
Join

सायबर गुन्हेगारांपासून नेहमी सावध राहण्याचं आवाहन करणाऱ्या पोलिसांनाच लक्ष्य करत थेट पोलीस आयुक्तांचाच मोबाईल हॅक करण्यात आल्याची धक्कादायक घटना समोर आली आहे. ठाण्याचे पोलीस आयुक्त आशुतोष डुंबरे यांचाच मोबाईल फोन हॅक झाल्याने पोलीस दलात एकच खळबळ उडाली आहे. याचं कारण हॅक करणाऱ्याने त्यांच्या व्हॉट्सअप स्टेटसला तब्बल 20 अश्लील व्हिडीओ शेअर करण्यात आले होते. मंगळवारी सायंकाळी हा धक्कादायक प्रकार उघडकीस आला.

पोलीस आयुक्तांच्या मोबाईल क्रमांकाच्या व्हॉट्सॲप स्टेटसवरून अश्लील व्हिडिओ प्रसारित झाल्याने पोलीस दलात खळबळ उडाली आहे. सुरुवातीला हे स्टेटस डिलीटही करता येत नव्हते. घटनेची माहिती मिळाल्यानंतर गुन्हे अन्वेषण शाखा आणि सायबर गुन्हे अन्वेषण कक्षाच्या अधिकाऱ्यांची धावपळ सुरु झाली होती. अखेर 6 वाजता हे स्टेटस डिलीट करण्यात यश आलं.

दुपारी 4 वाजून 46 मिनिटांनी हा प्रकार उघडकीस आला. आशुतोष डुंबरे यांच्या व्हॉट्सअप स्टेटसला अश्लील व्हिडीओ दिसत असल्याने वरिष्ठ अधिकाऱ्यांना शंका आली. हॅक करणाऱ्याने टप्प्याटप्प्याने काही मिनिटात 20 अश्लील व्हिडीओ स्टेटसला टाकले. यानंतर संबंधित अधिकाऱ्यांनी आयुक्तांशी संपर्क साधण्याचा प्रयत्न केला. दरम्यान शंकेची पाल चुकचुकल्याने सर्व अधिकारी आणि कर्मचारी सतर्क झाले होते. सुरुवातीला हे स्टेटस डिलीट होत नसल्याने चिंता निर्माण झाली होती. पण अखेर सव्वा तासाने ते डिलीट झाले.  

या संपूर्ण प्रकरणाची गंभीर दखल घेण्यात आली असून सायबर सेलच्या माध्यमातून पुढील तपास सुरू आहे. अखेर पोलीस आयुक्तांचाच मोबाईल हॅक करणारे हे सायबर भामटे कोण? आणि या हॅकिंगमागे नेमकं काय कारण आहे? याचा तपास आता सायबर सेल करत आहे..
 

Add Zee News as a Preferred Source
TAGS:

About the Author

शिवराज यादव झी 24 तास डिजिटलमध्ये सीनिअर सब एडिटर म्हणून कार्यरत आहेत. राज्यासह देश, विदेशातील चालू घडामोडींसह राजकीय, गुन्हेगारी विषयांवरील लिखाण ते करतात. हे लिखाण करताना ते सखोल पद्धतीने करण्याकडे कल असतो. वाचकाला बातमी अत्यंत सहजपणे समजावी यासाठी ती समजेल अशा पद्धतीने लिहितात. याशिवाय क्रीडा, मनोरंजन यांचीही आवड असल्याने त्या क्षेत्राशी संबंधित घडामोडींवरही लिखाण करतात.करिअरशिवराज यांनी 2009 मध्ये आपल्या पत्रकारितेतील करिअरला सुरुवात केली. सर्वात आधी Fotocorp संस्थेत कॅप्शन रायटर म्हणून काम केल्यानंतर पुढील 7 वर्ष त्यांनी टीव्हीमध्ये प्रदीर्घ अनुभव घेतला. लोकमतमधून ऑनलाइन पत्रकारितेला त्यांनी सुरुवात केली. त्यानंतर लोकसत्ता आणि सध्या झी 24 तास अशाप्रकारे त्यांच्याकडे 9 वर्षांचा अनुभव आहे.शैक्षणिक पार्श्वभूमीशिवराज यादव यांनी मुंबईतच आपलं शिक्षण पूर्ण केलं. मुंबई विद्यापीठ मान्यताप्राप्त एमडी कॉलेजमध्ये त्यांनी आर्टसमधून 12 वी उत्तीर्ण केली. यानंतर पुढील 3 वर्षं BMM मधून शिक्षण घेत पत्रकारितेत पदवी घेतली. यादरम्यान बातम्यांचं जग, त्याची समाजाला असणारी गरज आणि त्याचं महत्व याबद्दल चांगली समज निर्माण झाली.लेखन शैली आणि दृष्टीकोणशिवराज यांचं म्हणणं आहे की, प्रत्येक व्यक्तीला आपल्या आजुबाजूला तसंच देश, विदेशात नेमक्या कोणत्या घडामोडी घडत आहेत हे माहिती असलं पाहिजे. ही जबाबदारी माध्यमांवर जास्त असून, त्यांनी ती अवितरपणे पार पडली पाहिजे. प्रत्येक माहिती जशीच्या तशी वाचकांपर्यंत पोहोचवताना माध्यमांच्या खांद्यावर मोठी जबाबदारी असते.कोणत्या विषयांची सखोल जाणराजकीय घडामोडीचालू घडामोडीमनोरंजनक्रीडा
Read More

ZEENEWS TRENDING STORIES