SOCIAL MEDIA

Newsletter

PARTNER SITES
Select Language Select State

उद्यापासून 40 हजारांचं औषध आता फक्त 3 हजारांमध्ये,137 अँटी कॅन्सर औषधांच्या किंमती घटणार; मोठी अपडेट समोर!

केंद्र सरकारने 137 कँन्सरविरोधी औषधांच्या व्यापार मार्जिनवर मर्यादा आणली आहे. 9 नोव्हेंबरपासून नवे दर लागू झाले असून यामुळे रुग्णांची वर्षाला 3502 कोटींची बचत अपेक्षित आहे.

Reported By Pravin Dabholkar Written By Pravin Dabholkar
Published: Nov 08, 2026, 16:44 IST | Updated: Nov 08, 2026, 17:07 IST
Image Credit: कॅन्सर औषध
Join

कॅन्सरचे निदान झाल्यानंतर रुग्ण आणि कुटुंबीयांसमोर उपचारांच्या खर्चाचे मोठे आव्हान उभे राहते. औषधे, इंजेक्शन्स आणि दीर्घकाळ चालणाऱ्या उपचारांमुळे आर्थिक भार वाढतो. अशा रुग्णांना दिलासा देण्यासाठी केंद्र सरकारने कर्करोगावरील 137 औषधांच्या व्यापार नफ्यावर मर्यादा निश्चित केली आहे. राष्ट्रीय औषध मूल्य निर्धारण प्राधिकरणाने (NPPA) घेतलेल्या या निर्णयानुसार सुधारित किमती उद्यापासून म्हणजेच 9 नोव्हेंबर 2026 पासून लागू होणार आहेत. सरकारच्या अंदाजानुसार या बदलामुळे ग्राहकांची वर्षाला 3502 कोटी रुपयांची बचत होऊ शकते. कॅन्सर रुग्णांना कसा दिलासा मिळेल? याबद्दल सविस्तर जाणून घेऊया.

नेमका काय निर्णय घेण्यात आला?

केंद्र सरकारच्या औषध विभागाअंतर्गत येणाऱ्या एनपीपीए ने 17 ऑक्टोबर 2026 रोजी 137 नॉन-शेड्युल्ड कर्करोगविरोधी औषधांवर ट्रेड मार्जिन रॅशनलायझेशन लागू केले. या औषधांच्या कमाल किरकोळ किमतीच्या (MRP) तुलनेत व्यापारातील मार्जिन 30 टक्क्यांपर्यंत मर्यादित करण्यात आले आहे. औषध उत्पादकांकडून वितरक, घाऊक विक्रेते आणि किरकोळ विक्रेत्यांमार्फत ग्राहकांपर्यंत पोहोचताना वाढणारा अतिरिक्त खर्च नियंत्रित करणे हा या निर्णयामागील उद्देश आहे.

हजारांहून अधिक औषधांच्या किमतीत कपात

76 औषध कंपन्यांनी 1225 अँटी-कॅन्सर फॉर्म्युलेशन्सच्या सुधारित किमती सादर केल्या आहेत. यामध्ये 121 औषधांचा समावेश आहे. त्यापैकी 1031 फॉर्म्युलेशन्सच्या एमआरपीमध्ये घट नोंदवण्यात आली आहे. विशेष म्हणजे 600 ब्रँडच्या किमती 50 टक्क्यांहून अधिक कमी झाल्या असून, सर्वाधिक कपात 96.45 टक्के असल्याची माहिती सरकारकडून देण्यात आली.

काही औषधांच्या किमतीत मोठी घट

बेव्हॅसिझुमॅब इंजेक्शनच्या ब्रिक्सटा या ब्रँडची किंमत 25995 रुपयांवरून 3318 रुपयांपर्यंत कमी झाली आहे. स्तन आणि प्रोस्टेट कर्करोगाच्या उपचारांमध्ये वापरल्या जाणाऱ्या डेनोसुमाब इंजेक्शनच्या डेनऑस्टिओरेल ब्रँडची किंमत 24995 रुपयांवरून 6240 रुपये झाल्याची माहिती देण्यात आली आहे.

वर्षाला 3502 कोटींची बचत कशी होणार?

औषधांच्या सुधारित किमती लागू झाल्यानंतर ग्राहकांची वर्षाला अंदाजे 3502 कोटी रुपयांची बचत होईल, असा एनपीपीएचा अंदाज आहे. हा आकडा औषधांच्या जुन्या आणि सुधारित किमतींमधील फरक तसेच मागील विक्रीच्या प्रमाणाच्या आधारे काढण्यात आला आहे. त्यामुळे प्रत्येक रुग्णाला नेमकी किती बचत होईल?, हे त्याच्या उपचारात वापरल्या जाणाऱ्या औषधांवर आणि त्यांच्या प्रमाणावर अवलंबून असेल, अशी माहिती देण्यात आलीय.

रुग्णांनी सुधारित किंमत कशी तपासावी?

9 नोव्हेंबरपासून औषध विक्रेते आणि रुग्णालयांना सुधारित दरानेच संबंधित औषधे विकावी लागणार आहेत. रुग्णांना एनपीपीएच्या अधिकृत वेबसाइटवर किंवा फार्मा सही दाम या मोबाइल अ‍ॅपवर औषधांची सुधारित किंमत तपासता येईल. मुंबई, पुण्यासह महाराष्ट्रातील रुग्णांनीही रुग्णालयातील फार्मसी किंवा औषध दुकानात बिलावरील किंमत आणि सुधारित एमआरपी तपासावी. किंमत कमी होऊनही जुना दर आकारला जात असल्यास बिल जपून ठेवण्याचे आवाहन करण्यात आले आहे. यानंतर रुग्णांना संबंधित औषध नियंत्रण अधिकाऱ्यांकडे तक्रार करता येणार आहे.

Add Zee News as a Preferred Source
TAGS:

About the Author

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.
Read More

ZEENEWS TRENDING STORIES