फटाक्यांमुळे आजार बरे होतात असं अजब विधान भाजपा आमदार पापिया अधिकारी यांनी केलं आहे. पापिया अधिकारी भाजपाच्या पश्चिम बंगालमधील आमदार असून त्यांच्या विधानावर मोठ्या प्रमाणावर टीका होऊ लागल्यानंतर त्यांनी स्पष्टीकरण दिलं आहे. जर आपल्या विधानामुळे कोणाच्या भावना दुखावल्या असतील, तर मी माझं विधान मागे घेण्यास तयार आहेत आणि ते मागे घेतलं आहे असं समजावं असं त्यांनी म्हटलं आहे.
कोलकाता येथे एएनआयशी बोलताना त्यांनी स्पष्ट केलं की, "आपल्या पूर्वजांच्या काळापासून या परंपरांशी संबंधित एक दीर्घकालीन श्रद्धा चालत आली आहे. मुळात, हा प्रकाशाचा सण आहे, दिवे प्रज्वलित करण्याचा उत्सव आहे ज्याचा उद्देश सामाजिक अनिष्ट संपवणं आहे."
भाजपा आमदार पापिया अधिकारी यांनी म्हटले आहे, "पूर्वीच्या काळी सामाजिक अनिष्ट प्रथांना दूर करण्यासाठी विविध परंपरा आणि प्रथांची मदत घेतली जात असे. अनेक सामाजिक दोष नष्ट करण्यासाठी 'यज्ञ' करणे किंवा दिवे लावण्यासारख्या प्रथा वापरल्या जात असत. मात्र, आज आपण अशा युगात जगत आहोत जिथे फटाक्यांचा प्रभाव अधिक आहे आणि विज्ञानानेही मोठी प्रगती केली आहे. अशा परिस्थितीत, तो दृष्टिकोन कदाचित आता तितकासा समर्पक ठरणार नाही."
#WATCH | Kolkata: On her remarks about Diwali firecrackers curing illness, actor and BJP MLA Papiya Adhikari says, "There is an old saying from our ancestors regarding these traditions. In essence, this is a festival of lights—a festival of lighting lamps—meant to eradicate social evils. In the past, through rituals, many such evils were addressed. Now, however, we live in the era of firecrackers, and given how much science has advanced, perhaps that perspective is no longer appropriate. If anyone has been hurt, I apologise. I am willing to retract my statement; consider it withdrawn. But the core idea remains: such social evils were—and still can be—eradicated."
— ANI (@ANI) November 9, 2026
त्या म्हणाल्या की, "माझ्या शब्दांमुळे कोणाला वाईट वाटलं असेल किंवा कोणाच्या भावना दुखावल्या गेल्या असतील, तर मी त्यांची माफी मागते. मी माझे विधान मागे घ्यायलाही तयार आहे. मी ते विधान मागे घेतले आहे असे समजावे. मात्र, माझा मुख्य मुद्दा हाच आहे की, भूतकाळात समाजातील वाईट गोष्टी संपवण्यासाठी अशा पद्धतींचा वापर केला जात असे आणि आजही त्या संपवण्यासाठी त्यांचा वापर केला जाऊ शकतो."
पश्चिम बंगालमधील टॉलीगंज मतदारसंघाच्या भाजप आमदार पापिया अधिकारी यांनी, आपल्या मतदारसंघातील एका काली पूजेच्या कार्यक्रमाच्या उद्घाटनाला उपस्थित असताना हे वादग्रस्त विधान केले. त्यांचे भाषण सुरु असतानाच तिथे एक फटाका फुटला.
यानंतर त्या म्हणाल्या, "आपल्या मुख्यमंत्र्यांनी सांगितले आहे की आपण फटाके फोडणार आहोत. फटाक्यांशिवाय काली पूजा पूर्ण कशी होऊ शकते? आपण नक्कीच फटाके फोडणार आहोत. अर्थात, आपण पोलिसांच्या मार्गदर्शक सूचनांचे पालनही करू." त्यांनी पुढे असेही म्हटले की, "तुम्ही पाहाल की, फटाके फोडल्यामुळे अनेक आजार बरे होतात."