दिवाळीआधीच ग्राहकांना धक्का, सोनं-चांदीच्या दरात मोठे उलटफेर, वाचा 24, 22 आणि 18 कॅरेटचा भाव

2 नोव्हेंबर रोजी सोनं आणि चांदीच्या दरात तेजी आल्याचे पाहायला मिळतेय. अमेरिकेच्या फेडरल रिझर्व्हच्या व्याज दरांत वाढ होण्याची शक्यता असल्याने मौल्यवान धातुच्या किंमतीत सातत्याने चढ-उतार होताना दिसत आहे. महागाईचा दबाव असताना अमेरिकेच्या केंद्रीय बँकेने अलीकडेच त्यांच्या प्रमुख व्याज दरात कोणतेही बदल केले नाहीत. आठवड्याच्या पहिल्याच दिवशी सोन्याच्या दरात मोठे उलटफेर झाले असून आज सोन्याच्या दरात किंचीत वाढ झाली आहे.

आंतरराष्ट्रीय बाजारात शुक्रवारी सोन्याचे दर एक वर्षांच्या निच्चांकी स्तरावर पोहोचले होते. चांदीचा भावदेखील नोव्हेंबर 2025नंतर पहिल्यांदा 50 डॉलर प्रति औंसवर खाली घसरला आहे. वाढती किंमत आणि महागाई यामुळं अमेरिकामध्ये व्याज दर काही काळासाठी स्थिर राहू शकतात, असा अंदाज आहे. सोमवारी 9.31 वाजण्याच्या सुमारास सोन्याचा भाव 0.40 टक्क्यांनी वाढून 1,39,400 रुपये प्रति 10 ग्रॅमवर पोहोचला आहे. तर, चांदीची किंमत जवळपास 1.15 टक्क्यांनी वाढून 1,82,250 रुपये प्रति किलोग्रॅमवर व्यवहार करत आहे.

देशाच्या विविध शहरांत सोनं आणि चांदीच्या किंमतीत फरक असल्याचे दिसून येते. याचे कारण स्थानिक कर, मागणी आणि अन्य खर्च असू शकतात. राजधानी दिल्लीत 24 कॅरेट सोन्याची किंमत 1,98,900 रुपये प्रति 10 ग्रॅम इतकी आहे. तर, 22 कॅरेट सोन्याचा भाव 1,27,325 रुपये प्रति 10 ग्रॅमवर स्थिरावला आहे. त्याचबरोबर 999 शुद्धतेची चांदीची किंमत 1,81,610 रुपये प्रति किलोग्रॅमवर पोहोचली आहे.

मुंबईत सोनं-चांदीचा भाव

मुंबईत 24 कॅरेट सोन्याचा भाव 1,38,990 रुपये आहे. तर 22 कॅरेट सोन्याचा भाव 1,27,408 रुपये प्रति ग्रॅम इतका आहे. चांदीचा भाव 1,81,930 रुपये प्रति किलोग्रॅम इतका आहे.

प्रतितोळा सोन्याचा भाव

24 कॅरेट -13,937
22 कॅरेट- 12,775  
18 कॅरेट- 10,453

या महिन्यात आतापर्यंत सोन्याच्या दरात सुमारे 5.9 टक्क्यांनी घसरण झाली असून, सलग दुसऱ्या महिन्यात सोन्याच्या दरात घट नोंदवली गेली आहे. स्पॉट मार्केटमध्ये चांदीचे दर 5.8 टक्क्यांनी घसरून प्रति औंस 49.34 डॉलरवर आले, जी नोव्हेंबर 2025 नंतरची नीचांकी पातळी आहे.