SOCIAL MEDIA

Newsletter

PARTNER SITES
Select Language Select State

देशातील पहिलं गाव ओस पडायला लागलं, गावकरी घरं सोडून निघाले, आता सहा महिन्यांनी...

माणा गावाबाबत एक भन्नाट माहिती समोर आली आहे. देशातील पहिल्या गावाबद्दल एक व्हिडिओ व्हायरल झाला आहे.

Written By Mansi Kshirsagar Edited By Mansi Kshirsagar
Published: Nov 18, 2026, 09:21 IST | Updated: Nov 18, 2026, 09:53 IST
Image Credit: mana village of uttarakhand is shutting down for 6 months vlogger tells interesting facts
Join

भारत-चीन सीमेवरील माणा गाव हे भारतातील पहिले गाव म्हणून ओळखलं जातं. साधारण 4 वर्षांपूर्वी पंतप्रधान नरेंद्र मोदी यांनी या गावाला हे नाव दिलं होतं. माणा हे गाव यापूर्वी भारतातील शेवटचे गाव म्हणून ओखळले जात होते. मात्र पंतप्रधान मोदी यांनी या गावाची ही ओळख पुसून भारतातील पहिले गाव अशी नवी ओळख दिली. मात्र या हंगामातील पहिली बर्फवृष्टी होताच माणा गाव ओस पडायला सुरुवात झाली आहे. यामागचे कारणदेखील एका व्लॉगरने सांगितले आहे.

भारतातील पहिले गाव माणा जे उत्तराखंडच्या चमोली येथे आहे. येथे दरवर्षी हिवाळ्यात मोठ्या प्रमाणात बर्फवृष्टी होते आणि भयंकर गारवा असतो. नोव्हेंबर महिन्यातच रस्ते, डोंगर इतकंच नव्हे तर घरांच्या छप्परांवर मोठ्या प्रमाणात बर्फ साचलेला असतो. तापमानाचा पारा उणे अंशापर्यंत जातो. ज्यामुळं पिण्याचे पाणी आणि रोजच्या आयुष्यावर मोठा परिणाम होतो. बद्रीनाथ धाम बंद झाल्यानंतर लोक गावं खाली करण्यास सुरुवात करतात.

जोपर्यंत बद्रीनाथ धाम सुरू असते तोपर्यंत गावकरी तिथे दुकाने थाटून आणि व्यवसाय करून आपला उदरनिर्वाह चालवतात. त्यामुळे, हिवाळ्यात बद्रीनाथ धाम बंद झाल्यावर लोकांना तिथे थांबण्याचे काही कारणच उरत नाही. 'चमोली'चे युट्युब क्रिएटर सचिन नेगी यांनीही त्यांच्या व्हिडिओमध्ये हेच म्हटले आहे, "भारताचे पहिले गाव, माना, आता रिकामे होऊ लागले आहे." या व्हिडिओला आतापर्यंत 56 लाख व्ह्यूज मिळाले आहेत.

माणा गाव हे प्रसिद्ध बद्रीनाथ धामपासून 3 किमीपासून लांब अलकनंदा आणि सरस्वती नदीच्या तीरावर वसले आहे. या गावाला ऐतिहासिक आणि पौराणिक महत्त्व लाभले आहे. हिवाळ्यात या गावात मोठ्या प्रमाणात बर्फवृष्टी होते. त्यामुळं या गावातील लोक खाली असलेल्या गावात राहण्यासाठी जातात. सहा महिन्यांसाठी गावकरी येथे राहतात. जेव्हा बद्रीनाथचे दरवाजे पुन्हा सुरू होतात तेव्हा पुन्हा गावकरी येथे येतात.

पौराणिक महत्त्व

माणागावात महर्षि वेद व्यास यांची गुहा आहे. येथे बसून त्यांनी महाभारताची रचना केली होती. व गणपती बाप्पाने महाभारत लिहिले होते. तसंच, सरस्वती नदी याच गावातून उगम पावते, असंही म्हटलं जातं. सरस्वती नदीच्या वेगामुळे द्रौपदीला पलीकडे जाणे कठीण जात होते, तेव्हा महाबली भिमने एक भलामोठा दगड नदीवर ठेवला, ज्याला आज 'भीम पूल' म्हणून ओळखले जाते। हा एक नैसर्गिक शिळेचा पूल आहे.

माणा गावातूनच पवित्र 'सरस्वती नदी' वाहते। आख्यायिकेनुसार, वेद व्यास महाभारत लिहीत असताना सरस्वती नदीच्या आवाजाने वाचनात अडथळा येत होता, तेव्हा व्यासांच्या विनंतीवरून नदीने येथे शांतपणे वाहण्यास सुरुवात केली आणि पुढे गुप्त झाली.

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES