बाहेर पत्नीचे दिवसकार्य सुरू अन् पती बेडरूममध्ये प्रेयसीसोबत..., कुठली आहे ही घटना?

उत्तराखंडमधील ग्वाड-गंगोली गावात एक विचित्र घटना समोर आली आहे. महिलेच्या निधनामुळे तिचे कुटुंबीय आणि नातेवाईक दुःखात बुडाले होते. घरात महिलेचे दिवसकार्य सुरु असताना पतीच्या धक्कादायक कृत्यामुळे कुटुंबासह गावात खळबळ माजली आहे. पत्नीचं दिवसकार्य सुरू होतं आणि पती बेडरूममध्ये प्रेयसीसोबत रंगहात पकडला गेला. संतापजनक म्हणजे मुलांनीच आपल्या वडिलांना हे कृत्य करताना पकडलंय. या घटनेनंतर संतप्त गावकऱ्यांनी दोघांना पोलिसांकडे स्वाधीन केलं आहे. या प्रकरणात पोलिसांनी पतीविरोधात पत्नीला आत्महत्येस प्रवृत्त केल्यामुळे गुन्हा दाखल करुन अटक केली आहे. 

या घटनेची माहिती देतेना पोलिसांनी सांगितलं की, 23 सप्टेंबरला ग्वाड गंगलोल गावात एका घरात कुसमादेवी यांनी आत्महत्या केली होती. त्यांचा मृतदेह राहत्या घरात दोरीला लटकलेल्या अवस्थेत आढळला होता. घटनास्थळी पोहोचल्यानंतर पोलिसांनी हा मृतदेह ताब्यात घेतला. त्यानंतर शवविच्छेदनसाठी पाठवण्यात आला. प्राथमिक पाहणीत त्या महिलेने आत्महत्या केली असं दिसत होतं. पण मृत महिलेच्या बहिणीच्या आरोपानंतर या प्रकरणाला वेगळंच वळण लागलं. बहिणीने मृतदेह महिलेचा पती विक्रम लालवर आपल्या बहिणीच्या हत्येचा आरोप केला. ज्यामुळे पोलिसांचा तपास त्या दिशेने सुरु झाला. 

घरात त्या महिलेच्या अंत्यसंस्कारानंतरचे धार्मिक विधी करण्यात येत होते. मुलं, नातेवाईक आणि गावकरी या घटनेमुळे शोकाकुल होते. पण अशातच दुसरीकडे महिलेचा पती कुठे दिसत नव्हता. महिलेला एक मुलगी आणि दोन मुलं आहेत. त्यांनी वडिलांचा शोध घेतला तर घरात आईचा विधी सुरु होता आणि वडील दुसऱ्या खोलीत एका महिलेसोबत होते. मुलांनी हा सर्व प्रकार गावातील सरपंचाना सांगितला. त्यानंतर गावकऱ्यांनीही घराला बाहेरून कडी लावली. मग त्यांनी लगेचच गोपेश्वर पोलिसांना याबद्दल माहिती दिली. पोलिसांना माहिती मिळाल्यानंतर ते या घर पोहोचले. त्यांनी घराची झाडझडती घेतली असताना त्या त्याच गावातील एक विधवा महिला दिसली. मिळालेल्या माहितीनुसार या महिलेलाही दोन मुलं आहेत. 

गोपेश्वरचे पोलीस ठाणेप्रमुख नवनीत भंडारी यांनी या घटनेबद्दल सांगितलं की, पोलिसांनी तसाप सुरू केल्यावर असं समोर आलं की, गेल्या काही काळापासून या दोघांचे प्रेमसंबंध सुरू आहे. या घटनेची माहिती गावकऱ्यांना मिळाल्यानंतर ग्रामस्थ आणि नातेवाईक हे संतापले असून त्यांनी गोपेश्वर पोलीस ठाण्यावर मोर्चा आणला होता. कुसमादेवी यांच्या मृत्यूमागे या दोघांचे अनैतिक संबंध कारणीभूत आहे. त्यामुळे यांच्यावर तत्काळ कठोर कारवाई करण्याची मागणी त्यांनी केली. पोलिसांनीही पती विक्रम लालविरोधात आत्महत्येस प्रवृत्त केल्याचा गुन्हा दाखल केला आहे. पोलिसांनी त्या पुरूषाला शांतता भंगाच्या कलमान्वये तुरूंगात ठेवण्यत आलं आहे. तर महिलेची कसून चौकशी करून तिला कुटुंबियांकडे सोपवण्यात आलंय.