मुंबईत बालकांमधील लठ्ठपणा वाढतोय, गेल्या 3 वर्षात तब्बल...; हादरवणारी आकडेवारी समोर

बालकांमधील लठ्ठपणा वाढतोय

मुंबईतील बाई जेरबाई वाडिया चिल्ड्रन हॉस्पिटलमध्ये गेल्या तीन वर्षांत बालकांमधील लठ्ठपणाच्या जवळपास 300 प्रकरणांची नोंद झाली आहे.

मुंबईत बालकांमधील लठ्ठपणा वाढतोय

दरवर्षी सरासरी 100 नवीन रुग्ण येत आहेत. हा आजार आता फक्त उच्चवर्गीय कुटुंबांपुरता मर्यादित राहिलेला नाही, तर सर्व आर्थिक स्तरांतील मुलांमध्ये वाढत आहे.

मुंबईत बालकांमधील लठ्ठपणा वाढतोय

परेळ येथील वाडिया हॉस्पिटल हे राज्य सरकार आणि बीएमसी यांच्या सहकार्याने चालते. येथे निम्न आणि मध्यम उत्पन्न गटातील रुग्णही येतात. डॉ. सुधा राव, वैद्यकीय संचालक आणि बालरोग अंतःस्राव तज्ज्ञ यांच्या मते, 80 टक्क्यांहून अधिक प्रकरणे जीवनशैलीशी संबंधित आहेत.

बालकांमधील लठ्ठपणा वाढतोय

हार्मोनल किंवा अनुवांशिक कारणे फार कमी आहेत.राष्ट्रीय कुटुंब आरोग्य सर्वेक्षण (एनएफएचएस-6) नुसारही भारतात लठ्ठपणा वाढतोय. 15 ते 49 वयोगटातील महिलांमध्ये हा दर 24 टक्क्यांवरून 30.7 टक्क्यांवर गेला आहे.

मुंबईत बालकांमधील लठ्ठपणा वाढतोय

पुरुषांमध्येही 22.9 टक्क्यांवरून 27.3 टक्क्यांवर वाढ झाली आहे. भारत लठ्ठपणाच्या बाबतीत चीन आणि अमेरिकेनंतर तिसऱ्या क्रमांकावर आहे.

मुंबईत बालकांमधील लठ्ठपणा वाढतोय

तज्ज्ञ सांगतात की, साखरयुक्त पेये, प्रक्रिया केलेले पदार्थ, बाहेर खेळण्याची कमी वेळ आणि जास्त स्क्रीन टाइम यामुळे मुलांचे वजन वाढते. पालकांना वाटते की लठ्ठपणा हार्मोनल समस्येमुळे होतो, पण बहुतांश वेळा तसे नसते

मुंबईत बालकांमधील लठ्ठपणा वाढतोय

लठ्ठपणामुळे इन्सुलीन रेझिस्टन्स, प्रीडायबेटीस, टाइप-२ मधुमेह, उच्च रक्तदाब, कोलेस्टेरॉल वाढणे, फॅटी लिव्हर, झोपेचे विकार आणि सांध्यांचे दुखणे होऊ शकते. किशोरवयीन मुलींमध्ये पीसीओएससारखी लक्षणेही दिसू शकतात.