रणबीर कपूर आणि यश यांच्या 'रामायण: पार्ट वन' या चित्रपटाने तिसऱ्या दिवशी जगभरात अंदाजे 182.70 कोटींची कमाई केली.
परदेशातही चित्रपटाला मोठं यश मिळत आहे.
1/7
शनिवारी मोठी उसळी
नितीश तिवारी यांचा 'रामायण: पार्ट वन' बॉक्स ऑफिसवर जोरदार कामगिरी करत आहे. दुसऱ्या दिवशी कमाईत घट झाल्यानंतर, रणबीर कपूर, साई पल्लवी आणि यश यांच्या प्रमुख भूमिका असणाऱ्या या चित्रपटाने शनिवारी मोठी उसळी घेतली.
2/7
तिसऱ्या दिवशी 68.80 कोटी रुपयांची निव्वळ कमाई
तिसऱ्या दिवशी भारतात या चित्रपटाने 68.80 कोटी रुपयांची निव्वळ कमाई केली, जी आतापर्यंतची एका दिवसातील सर्वाधिक कमाई ठरली आहे.
3/7
जागतिक स्तरावर 375.50 कोटींची कमाई
यामुळे चित्रपटाची भारतातील तीन दिवसांची एकूण निव्वळ कमाई 182.70 कोटी रुपयांवर पोहोचली आहे. ट्रेड ट्रॅकर 'सॅकनिल्क' (Sacnilk) नुसार, चित्रपटाची जागतिक स्तरावरील एकूण कमाई 375.50 कोटी रुपयांपर्यंत पोहोचली आहे.
4/7
शुक्रवारी 48.05 कोटी रुपयांची निव्वळ कमाई
चित्रपटाने शुक्रवारी 48.05 कोटी रुपयांची निव्वळ कमाई झाली होती, त्या तुलनेत शनिवारी चित्रपटाच्या भारतीय निव्वळ कमाईत 45.3 टक्क्यांची वाढ दिसून आली. शनिवारी भारतातील एकूण कमाई 83.85 कोटी रुपये इतकी होती. यासह, भारतातील चित्रपटाची एकूण कमाई 218.25कोटी रुपयांवर पोहोचली आहे.
5/7
पहिल्या दिवशी 64.85 कोटी रुपयांची कमाई
शनिवारची कामगिरी अत्यंत महत्त्वाची आहे, कारण पहिल्या दिवशी 64.85 कोटी रुपयांची कमाई केल्यानंतर, शुक्रवारी चित्रपटाच्या निव्वळ कमाईत 25.9 टक्क्यांची घट झाली होती.
6/7
परदेशातही मोठं यश
परदेशातील बाजारपेठांनीही या चित्रपटाच्या यशात मोठा वाटा उचलला आहे. 'रामायण'ने तिसऱ्या दिवशी परदेशात अंदाजे 60 कोटी रुपयांची कमाई केली, ज्यामुळे परदेशातील एकूण कमाई 157.25 कोटी रुपयांवर पोहोचली आहे. आता या चित्रपटाची तीन दिवसांतील जागतिक स्तरावरील एकूण कमाई 375.50 कोटी रुपये इतकी झाली आहे.
7/7
हिंदी आवृत्ती आघाडीवर
चित्रपटाच्या देशांतर्गत बॉक्स ऑफिस कामगिरीमध्ये हिंदी आघाडीवर आहे. शनिवारी हिंदी आवृत्तीने 53 कोटी रुपयांची कमाई केली. तिसऱ्या दिवशी कन्नड आवृत्तीने 6.30 कोटी रुपये, तर तेलुगू आवृत्तीने 6 कोटी रुपयांची कमाई केली. तमिळ आवृत्तीने 2.50 कोटी रुपये आणि मल्याळम आवृत्तीने 2 कोटी रुपयांची कमाई शनिवारी नोंदवली. पाचही भाषा मिळून, चित्रपटाची भारतातील तिसऱ्या दिवसाची निव्वळ कमाई 69.80 कोटी रुपये इतकी झाली असून, तीन दिवसांची एकूण निव्वळ कमाई 182.70 कोटी रुपयांवर पोहोचली आहे.