अर्शदीप सिंहची दुखापत किती गंभीर? पाचव्या टी20 सामन्यात खेळणार की नाही? समोर आली मोठी अपडेट

Arshdeep Singh Injury Updates : भारत विरुद्ध वेस्ट इंडिज यांच्यात 14 ऑक्टोबर रोजी झालेल्या सामन्यात भारताचा २४ धावांनी पराभव झाला. शेवटच्या ओव्हरमध्ये भारताचा गोलंदाज अर्शदीप सिंह याच्या खांद्याला दुखापत झाली. आता त्याच्या फिटनेसबाबत अपडेट समोर येत आहे.

Reported Bypooja pawar

Published: Oct 15, 2026, 01:14 PM IST|Updated: Oct 15, 2026, 01:55 PM IST

join share

Image Credit: अर्शदीप सिंहची दुखापत किती गंभीर? पाचव्या टी20 सामन्यात खेळणार की नाही? समोर आली मोठी अपडेट

Arshdeep Singh Injury Updates : भारत विरुद्ध वेस्ट इंडिज यांच्यात बुधवारी हैदराबाद येथे सामना खेळवला गेला. या सामन्यात शेवटच्या ओव्हरमध्ये भारताला विजयासाठी 35 धावा हव्या होत्या. भारताकडून फलंदाजी करण्यासाठी शेवटची जोडी मैदानात होती. यावेळी वेस्ट इंडिजचा गोलंदाज श्मार जोसफने टाकलेला वेगवान बॉल या हा अर्शदीपच्या खांद्याला जाऊन लागला. दुखापत झाल्यावर सुद्धा काही काळ अर्शदीप सिंहने फलंदाजी सुरु ठेवली मात्र तो खूप वेदनेत होता. भारताचा पराभव निश्चित असल्याने कर्णधार श्रेयसने त्याला परत बोलावून घेतले, ज्यामुळे भारताची इनिंग संपली आणि वेस्ट इंडिजने सामन्यात 24 धावांनी विजय मिळवला. त्यामुळे सध्या भारत विरुद्ध वेस्ट इंडिज ही पाच सामन्यांची सीरिज ही 2-2 अशा बरोबरीत आहे. आता पाचवा आणि शेवटचा सामना कोण जिंकणार यावरून सीरिजचा विजेता ठरेल.

शमार जोसेफच्या बॉलचा फटका बसल्यानंतर अर्शदीप सिंग खूप वेदनेत असल्याचे दिसून आले. त्याला फलंदाजी सुरू ठेवायची होती, परंतु तो संघर्ष करत होता. कर्णधार श्रेयस अय्यरने त्याला मैदानाबाहेर येण्याचा इशारा दिला, त्यानंतर भारतीय डावाचा शेवट झाला आणि वेस्ट इंडिजने सामना जिंकला.

अर्शदीपच्या दुखापतीवर काय म्हणाला संजू सॅमसन?

संजू सॅमसनने सामन्यानंतर झालेल्या पत्रकार परिषदेत अर्शदीप सिंहच्या दुखापतीवर मोठी अपडेट दिली आहे. त्याने म्हटलं की, 'अर्शदीप आपल्या खांद्यावर बर्फ लावत आहे. आशा आहे की तो लवकर बरा होईल. ज्या चेंडूने त्याला दुखापत झाली, तो अत्यंत वेगाने येत होता; तो लवकर पूर्णपणे बरा होईल अशी अपेक्षा आहे'. बीसीसीआयने अद्याप अधिकृतपणे कोणतीही माहिती दिलेली नाही.

पाचवा टी20 सामना आता निर्णायक ठरला असून, जो संघ हा सामना जिंकेल तो मालिकाही आपल्या नावावर करेल. आतापर्यंत, भारतीय संघाने मायदेशात वेस्ट इंडिजविरुद्ध कोणतीही टी20 सीरिज गमावलेली नाही. पाचव्या टी20 सामन्यात अर्शदीप सिंग खेळण्याची शक्यता कमी आहे. मात्र याबद्दल अधिकृत माहिती मिळणे अजून बाकी आहे.

कधी होणार पाचवा सामना?

भारत विरुद्ध वेस्टइंडीज यांच्यात पाचवा टी20 सामना हा शनिवारी 17 ऑक्टोबर रोजी चिन्नस्वामी स्टेडियमवर खेळवला जाणार आहे. या सामन्याचे लाईव्ह प्रक्षेपण स्टार स्पोर्ट्स नेटवर्कच्या चॅनलवर आणि लाईव्ह स्ट्रीमिंग जिओ हॉटस्टार अँप आणि वेबसाईटवर होणार आहे.

Add Zee News as a Preferred Source

TAGS:

About the Author

pooja pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.

न्यूज़
फोटो
व्हिडीओ

भुगोलाच्या पुस्तकात 'उज्जैन पृथ्वीचा केंद्रीयसंदर्भ बिंदू' असा उल्लेख, तर विज्ञानाच्या पुस्तकात...; सहावीच्या 3 पाठ्यपुस्तकांमध्ये बदल