IPL 2027 पूर्वी दिल्ली कॅपिटल्सला मिळणार नवा कर्णधार? अक्षर पटेल स्वतः कर्णधारपदावरून घेतोय माघार?
IPL 2027 Delhi Capitals Captain : आयपीएल 2027 पूर्वी अनेक अनेक संघांमध्ये मोठे बदल पाहायला मिळत आहेत. अशातच दिल्ली कॅपिटल्सच्या संघातून सुद्धा एक महत्वाची माहिती समोर येत आहे. आगामी सीजनमध्ये अक्षर पटेल हा संघाचं नेतृत्व करण्यास उत्सुक नसल्याचं मीडिया रिपोर्ट्समधून समोर आलेलं आहे.
IPL 2027 Delhi Capitals Captain : आयपीएल 2027 पूर्वी दिल्ली कॅपिटल्सची डोकेदुखी वाढली आहे. सध्या संघ आपल्या नेतृत्वाच्या मुद्दावरून पेच प्रसंगात अडकलेला आहे, भारतीय ऑलराऊंडर अक्षर पटेल हा मागच्या दोन सीजनपासून दिल्ली कॅपिटल्सचं नेतृत्व करतोय. मात्र मीडिया रिपोर्ट्सनुसार अक्षर पटेलला स्वतः दिल्ली कॅपिटल्सच्या कर्णधारपदावरून हटण्याची इच्छा आहे. त्यामुळे आता आगामी आयपीएल 2027 साठी संघाला नवा कर्णधार शोधावा लागणार आहे.
मीडिया रिपोर्ट्सनुसार दिल्ली कॅपिटल्सच्या मॅनेजमेंटला नकोय की अक्षर पटेलने कर्णधारपदावरून दूर व्हावे, त्यामुळे अक्षरलाच आगामी सीजनमध्ये कर्णधार बनवण्यासाठी दिल्ली कॅपिटल्सला थोडी नेहन्त करावी लागू शकते. अक्षर पटेलच्या नेतृत्वात मागील दोन वर्ष दिल्ली कॅपिटल्सचा परफॉर्मन्स साधारण राहिला. संघ आयपीएल 2026 मध्ये प्लेऑफसाठी क्वालिफाय करू शकली नव्हती.
दिल्ली कॅपिटल्सचं नेतृत्व करण्यासोबतच अक्षर पटेल हा फलंदाजी आणि गोलंदाजी करून सुद्धा संघात योगदान देत असतो. मात्र मागच्या वर्षी अक्षर पटेल फॉर्मात दिसला नाही. 11 इनिंगमध्ये त्याने फलंदाजी करत 173 धावा केल्या तर 11 इनिंगमध्ये त्याने 5 विकेट घेतले होते.
अक्षर पटेलच्या ट्रेडला दिल्लीचा नकार :
रिपोर्ट्समधून असे देखील समोर आलं की काही फ्रेंचायझींनी अक्षर पटेलला आपल्या संघात घेण्यासाठी ट्रेड डील ऑफर केल्या होत्या. मात्र दिल्ली कॅपिटल्सने सर्वांना नकार दिला. एका सूत्राने नाव न सांगण्याच्या हवाल्याने सांगितलं की, 'अक्षर कर्णधारपदावर कायम राहण्यास फारसा उत्सुक नाही. व्यवस्थापन त्याला राजी करण्याचा प्रयत्न करत आहे, कारण तो फ्रँचायझीसाठी एक अत्यंत महत्त्वाचा खेळाडू आहे. या सीजनमध्ये संघाने अनेक 'ट्रेड' प्रस्ताव फेटाळून लावले आहेत. व्यवस्थापनाने कर्णधारपदाबाबतचा अंतिम निर्णय ऑक्शन प्रक्रिया पूर्ण होईपर्यंत पुढे ढकलण्याचा निर्णय घेतला आहे'.
ऋषभ पंत पुन्हा बनणार संघाचा कर्णधार?
दिल्ली कॅपिटल्सकडे अक्षर पटेल वगळता ऋषभ पंत हा कर्णधारपदासाठी एक चांगला पर्याय आहे. मागच्या दोन सीजनमध्ये लखनऊ सुपर जाएंट्सचं नेतृत्व करणारा ऋषभ पंत हा पुन्हा दिल्ली कॅपिटल्समध्ये सामील झाला आहे. ऋषभ पंत हा यापूर्वी सुद्धा अनेक वर्ष दिल्ली कॅपिटल्सचा कर्णधार राहिलेला होता. त्यामुळे अक्षर पटेल तयार नसेल तर ऋषभकडे कर्णधारपद सोपवलं जातं का हे पाहणं महत्वाचं ठरणार आहे.