पंतप्रधान नरेंद्र मोदींमुळे बीसीसीआयच्या तारिख बदलली, जाणून घ्या सविस्तर

भारत विरुद्ध वेस्ट इंडिज यांच्यामध्ये टी20 मालिका सुरु आहे, त्याआधी टीम इंडियाने आशिया गेम्समध्ये भारताने फायनलमध्ये श्रीलंकेला पराभूत करुन गोल्ड मेडल जिंकले. त्यानंतर टीम इंडिया लगेचच भारतात परतली आणि त्यानंतर वेस्ट इंडिजविरुद्ध मालिका खेळण्यामध्ये व्यस्त झाली. आता सध्या भारताचा पुरुष क्रिकेट संघ टी20 मालिका खेळत आहे, आशियाई गेम्समध्ये गोल्ड मेडल जिंकल्यानंतर पंतप्रधान नरेंद्र मोदी यांची भेट घेणार होते. पण संघाची मालिका सुरु असल्यामुळे काही वेळानंतर भारताचे संघ हे आता मालिका झाल्यानंतर पंतप्रधानांना भेटणार आहेत अशी माहिती समोर आली त्यामुळे आता बीसीसीआयने त्यांच्या बैठकीची तारिख देखील पुढे ढकलली आहे.

भारतीय क्रिकेट नियामक मंडळ (BCCI) आणि आयपीएलशी संबंधित घटक यांच्यात गुरुवारी मुंबईत होणारी बैठक पुढे ढकलण्यात आली आहे, अशी माहिती मंडळाचे सचिव देवजित सैकिया यांनी मंगळवारी दिली. पुढील वर्षी आयपीएल आपल्या ऐतिहासिक 20व्या हंगामात पदार्पण करण्याच्या तयारीत असल्याने, बीसीसीआयने 15 ऑक्टोबर रोजी मुंबईत संयुक्त भागधारकांची बैठक बोलावली होती. आशियाई क्रीडा स्पर्धेत सुवर्णपदके जिंकलेल्या भारतीय पुरुष आणि महिला संघांचा सत्कार करण्यासाठी पंतप्रधान नरेंद्र मोदी 15 ऑक्टोबर रोजी नवी दिल्लीत असणार असल्याने ही बैठक पुढे ढकलण्यात आली आहे.

हे ही वाचा

'माझ्या परवानगीशिवाय...', शिखर धवन T20 लीगवर संतापला! खेळाडूने कारवाई करण्याची दिली धमकी

जपानमध्ये पार पडलेल्या आशियाई खेळांमध्ये भारताच्या दोन्ही क्रिकेट म्हणजेच पुरुष आणि महिला संघांनी गोल्ड मेडल जिंकले. पंतप्रधान नरेंद्र मोदी 15 ऑक्टोबर रोजी नवी दिल्लीत नुकत्याच पार पडलेल्या 20व्या आशियाई क्रीडा स्पर्धेतील उत्कृष्ट कामगिरीबद्दल भारतीय पुरुष आणि महिला संघांचा सत्कार करणार आहेत. त्यामुळे, बीसीसीआयच्या अधिकाऱ्यांना या सोहळ्यात उपस्थित राहावे लागेल, त्यामुळे बीसीसीआयने आता बैठकीची तारिख पुढे ढकलली आहे. पंतप्रधान नरेंद्र मोदी यांनी या शानदार विजयाबद्दल सोशल मीडियाद्वारे संघाला आधीच शुभेच्छा दिल्या होत्या, पण आता १५ ऑक्टोबर रोजी पंतप्रधान स्वतः या सर्व आश्वासक खेळाडूंना भेटून त्यांचे मनोधैर्य वाढवणार आहेत.

क्रिकेटपटूंव्यतिरिक्त, पंतप्रधान मोदी आशियाई क्रीडा स्पर्धेत इतर खेळांमध्ये सुवर्णपदके जिंकून देशाला गौरव मिळवून देणाऱ्या खेळाडूंनाही भेटणार आहेत. हे लक्षात घेण्यासारखे आहे की, इची-नागोया येथे झालेल्या आशियाई क्रीडा स्पर्धेत भारताने एकूण ८५ पदके जिंकली. यामध्ये २१ सुवर्ण, २७ रौप्य आणि ३७ कांस्य पदकांचा समावेश होता. पदक तालिकेत भारत चौथ्या स्थानावर राहिला.