IND VS NZ Test : भारतीय संघ सध्या न्यूझीलंड दौऱ्यावर असून येथे ते न्यूझीलंड विरुद्ध टी20, वनडे आणि टेस्ट सीरिज खेळत आहेत. टी20 नंतर आता वनडे सीरिज सुद्धा अंतिम टप्प्यात असून यातील फक्त शेवटचा पाचवा सामनाच शिल्लक आहे. त्यानंतर दोन सामन्यांच्या टेस्ट सीरिजला सुरुवात होईल. असं असतानाच आता न्यूझीलंड विरुद्ध टेस्ट सीरिजसाठी टीम इंडियाच्या संघात बदल करण्यात आलेला आहे. 19 नोव्हेंबर पासून दोन सामन्याच्या टेस्ट सीरिजला सुरुवात होणार आहे. याअंतर्गत वनडे सीरिजमध्ये जबरदस्त प्रदर्शन करणाऱ्या गुरनूर बरारची निवड ही टेस्ट सीरिजसाठी टीम इंडियात करण्यात आलेली आहे. बीसीसीआयने याबाबत अधिकृत घोषणा केली आहे.
कुलदीप यादवच्या जागी गुरनूर बरारला न्यूझीलंड विरुद्ध टेस्ट सीरिजसाठी निवडलेल्या टीम इंडियाच्या संघात सामील करण्यात आले असल्याने तो आता शेवटचा वनडे सामना खेळणार नाही. तर कुलदीप यादव हा पुन्हा भारतात येऊन डोमेस्टिक क्रिकेट खेळेल. टीम इंडियासाठी एक चांगली गोष्ट अशी की ऋषभ पंत सुद्धा टीम इंडियाशी जोडला गेला आहे. ऋषभ पंत हे अनेक आठवड्यांपासून दुखापतग्रस्त होता. नुकतंच त्याचा फिटनेस क्लीअरन्स मिळाली आहे.
कर्णधार शुभमन गिलने तीन वनडे सामन्यात टीम इंडियाचं नेतृत्व केलं आणि त्यानंतर तो टेस्ट सीरिज खेळण्याच्या सरावासाठी सामील झाला आहे. त्यासोबत अंशुल कंबोज आणि केएल राहुल सुद्धा वनडे संघातून बाहेर पडून टेस्ट सीरिजसाठी सराव करत आहेत. गुरनूरने आतापर्यंत 13 वनडे सामन्यात एकूण 23 विकेट घेतले असून त्याने आपल्या वेगवान गोलंदाजीने फलंदाजांना अडचणीत आणलंय. आता त्यांना न्यूझीलंड विरुद्ध टेस्ट सीरिजमध्ये सामील करण्यात आलं असून त्यांना टेस्ट सीरिजमध्ये पदार्पणाची संधी मिळू शकते.
Gurnoor Brar added to TeamIndia’s squad for NZvIND Tests More details on the squad updates https://t.co/hYDKOnjK5e https://t.co/wz9kSubfzZ
BCCI (BCCI) November 14, 2026
टीम इंडियाचा टेस्ट संघ :
शुभमन गिल (कर्णधार), यशस्वी जयसवाल, केएल राहुल (उपकर्णधार), देवदत्त पडिक्कल, ऋषभ पंत, ध्रुव जुरेल, रवींद्र जड़ेजा, अंशुल कंबोज, जसप्रीत बुमराह, प्रसिद्ध कृष्णा, आकाश दीप, साई सुदर्शन, नितीश कुमार रेड्डी, वाशिंगटन सुंदर, मोहम्मद सिराज, गुरनूर बरार.