शून्य धावांवर बाद झालेल्या रोहित शर्माने बदलला सामना, न्यूझीलंड विरुद्ध पहिल्या विजयानंतर कर्णधार गिलचं मोठं वक्तव्य
Shubman Gill About Rohit Sharma : भारताने न्यूझीलंड विरुद्ध पहिला वनडे सामना जिंकला. या सामन्यानंतर कर्णधार शुभमन गिलची मुलाखत घेण्यात आली. या मुलाखतीत शुभमन गिलने रोहित शर्माला सामना पलटवण्याचं क्रेडिट दिलं.
Shubman Gill About Rohit Sharma : भारत विरुद्ध न्यूझीलंड यांच्यात बुधवार 4 नोव्हेंबर रोजी पहिला सामना ऑकलँडच्या ईडन पार्कमध्ये खेळवला जाणार आहे. पावसामुळे व्यत्यय आलेल्या सामन्यात शुभमन गिलच्या नेतृत्वाखालील भारतीय संघाने डकवर्थ लुईस स्टर्न (DLS) नियमानुसार 5 विकेट राखून विजय मिळवला. लक्ष्याचा पाठलाग करताना विराट कोहलीने सर्वाधिक 74 धावांची खेळी केली, तर अनुभवी रोहित शर्माला खातेही उघडता आले नाही आणि तो शून्यावर बाद झाला. रोहित शर्मा अपयशी ठरला असला तरी सामना फिरवण्यात त्याचे योगदान असल्याचे गिलने मान्य केले.
रोहित शर्माने न्यूझीलंडची फलंदाजी सुरु असताना डेरिल मिचेलला जबरदस्त रन आउट केलं होतं. शुभमन गिल सामन्यानंतर टर्निंग पॉईंट बद्दल बोलत असताना याच रन आउटबाबत बोलला. हा रन आउटमुळे सामन्याचा मोमेंटम बदलला. हा रनआउट पहिल्या इनिंग दरम्यान झाला जेव्हा ग्लेन फिलिप्स आणि डेरिल मिचेल यांच्यात चांगली भागीदारी झाली होती.
काय म्हणाला शुभमन गिल?
सामन्यानंतरच्या मॅच प्रेझेंटेशन दरम्यान बोलताना शुभमन गिलने सांगितले की, 'आमची गोलंदाजी अतिशय उत्तम होती. फिल्डिंग सुद्धा उत्कृष्ट झाली. रोहित भाईचा रन-आउट होण्याचा प्रसंग सामन्याचे चित्र पूर्णपणे बदलणारा ठरला. मिचेल आणि फिलिप्स यांच्यातील भागीदारी खूप धोकादायक वाटत होती; या दोघांनी भारतात किती चांगली फलंदाजी केली होती, हे आपण पाहिलेच होते. एकूणच आमच्या संघाचे प्रदर्शन अतिशय चांगले राहिले'.
हेही वाचा : विराटने केल्या 74 धावा, अर्शदीपने घेतल्या 4 विकेट्स तरी अंशुल कंबोज कसा ठरला प्लेअर ऑफ द मॅच?
अंशुल कंबोजचं केलं कौतुक :
न्यूझीलंड विरुद्ध पहिल्या वनडे सामन्यात अंशुल कंबोजने भारतासाठी जबरदस्त गोलंदाजी केली. त्याने 10 ओव्हरमध्ये फक्त 22 धावा देऊन 2 विकेट आपल्या नावावर केल्या. यासाठी त्याला प्लेयर ऑफ द मॅचचा पुरस्कार देण्यात आला. अंशुलबद्दल बोलताना गिल म्हणाला, 'अंशुल अशा प्रकारचा गोलंदाज आहे जो या परिस्थितीसाठी अगदी योग्य आहे. तो सातत्याने चांगल्या गतीने गोलंदाजी करतो आणि बॉलला सीम मिळवून देण्याचा प्रयत्न करतो. जुन्या बॉलने देखील अंशुल उत्तम गोलंदाजी करतो. आम्हाला असे वाटले की जेव्हा खेळपट्टीवरून फारशी मदत मिळत नसते, तेव्हा तो अतिरिक्त बाउन्स मिळवू शकतो. त्याची गती आणि आज रात्री त्या दोघांनी ज्या प्रकारे गोलंदाजी केली ते पाहणे खरोखरच अद्भुत होतं'.
