भारत विरुद्ध न्यूझीलंड दुसऱ्या सामन्यासाठी प्लेईंग 11 मध्ये होणार बदल? कर्णधार गिल कोणाला देणार संधी?

IND VS NZ ODI 2nd Match : 7 नोव्हेंबर रोजी भारत विरुद्ध न्यूझीलंड यांच्यात दुसरा वनडे सामना खेळवला जाणार आहे. भारताने पहिला सामना जिंकलेला असला तरी दुसऱ्या सामन्याच्या प्लॅइंग ११ मध्ये काही बदल होण्याची आहे. तेव्हा कर्णधार शुभमन गिल हा प्लेईंग 11 मध्ये कोणते बदल करू शकतो याविषयी जाणून घेऊयात.

Reported Bypooja pawar

Published: Nov 06, 2026, 08:08 PM IST|Updated: Nov 06, 2026, 08:56 PM IST

join share

Image Credit: भारत विरुद्ध न्यूझीलंड दुसऱ्या सामन्यासाठी प्लेईंग 11 मध्ये होणार बदल? कर्णधार गिल कोणाला देणार संधी?

IND VS NZ ODI 2nd Match : भारत विरुद्ध न्यूझीलंड यांच्यात पाच सामन्यांची वनडे सीरिज सुरु आहे. यातील 4 नोव्हेंबर रोजी झालेला पहिला सामना हा भारताने जिंकला आणि सीरिजमध्ये 1-0 ने आघाडी घेतली. ही आघाडी आता आणखीन मजबूत करण्यासाठी टीम इंडिया पुन्हा 7 नोव्हेंबर रोजी दुसरा सामना खेळण्यासाठी मैदानात उतरणार आहे. पहिल्या सामन्यात टीम इंडियाने विजय मिळवलं असला तरी प्लेईंग 11 मध्ये काही बदल होऊ शकतात अशी चर्चा आहे. सर्वात मोठा प्रश्न वेगवान गोलंदाज आकिब नबीच्या भविष्याबाबत आहे. आपल्या आंतरराष्ट्रीय वनडे कारकिर्दीतील पहिल्या दोन सामन्यांत एकही विकेट मिळवण्यात अपयशी ठरल्यामुळे, या उजव्या हाताच्या वेगवान गोलंदाजापुढील मार्ग सोपा दिसत नाही. तेव्हा दुसऱ्या सामन्यापूर्वी प्लेईंग 11 मध्ये कोणते बदल होऊ शकतात याबाबत जाणून घेऊयात.

मोहम्मद सिराजला मिळणार संधी?

ऑकलँडमध्ये खेळवण्यात आलेल्या पहिल्या वनडे सामन्यात वेगवान गोलंदाजांनी जबरदस्त प्रदर्शन केलं. अर्शदीप सिंह, गुरनूर बरार आणि अंशुल कंबोजने मिळून न्यूझीलंडच्या 10 विकेट घेतल्या. अर्शदीपने पहिल्या सामन्यात चार विकेट मिळवले तर गुरनूर बरारने तीन आणि अंशुल कंबोजला दोन यश मिळवले. तर दुसरीकडे आकिब नबीला एकही विकेट मिळाली नाही.

अशातच दुसऱ्या वनडेसाठी अनुभवी वेगवान गोलंदाज मोहम्मद सिराजला प्लेईंग 11 मध्ये सामील करण्यात येण्याची शक्यता आहे. सिराज हा इंडिया 'ए' सोबत रेड बॉल क्रिकेटमधील आपली जबाबदारी पूर्ण केल्यानंतर सिराज संघात सामील झाला आहे. मात्र आकिब नबीला पुन्हा संधी मिळेल की त्याच्या जागी सिराजला स्थान दिले जाईल, याबाबत भारतीय संघ व्यवस्थापनाकडून अद्याप कोणतीही माहिती मिळालेली नाही.

हेही वाचा : भारत विरुद्ध न्यूझीलंड दुसऱ्या वनडेत पाऊस खेळ बिघडवणार? काय आहे हवामानाचा अंदाज?

भारताची संभाव्य प्लेईंग 11 :

शुभमन गिल (कर्णधार), रोहित शर्मा, विराट कोहली, श्रेयस अय्यर, अक्षर पटेल, केएल राहुल (विकेटकीपर), नमन धीर, अंशुल कंबोज, मोहम्मद सिराज, गुरनूर ब्रार, अर्शदीप सिंह.

भारतीय संघ :

शुभमन गिल (कर्णधार), रोहित शर्मा, विराट कोहली, केएल राहुल (विकेटकीपर), अक्षर पटेल, कुलदीप यादव, श्रेयस अय्यर, ईशान किशन (विकेटकीपर), नमन धीर, मोहम्मद सिराज, ऋतुराज गायकवाड़, अर्शदीप सिंह, आकिब नबी, अंशुल कंबोज, गुरनूर बरार.

न्यूझीलंड संघ :

मिचेल सँटनर (कर्णधार), टॉम लॅथम (विकेटकीपर), डेवोन कॉनवे, डेरिल मिशेल, हेनरी निकोल्स, जॅकब डफी, मैट हेनरी, विल यंग, माइकल ब्रेसवेल, काइल जेमीसन, टिम सीफर्ट (विकेटकीपर), ग्लेन फिलिप्स, ब्लेयर टिकनर, नेथन स्मिथ, मॅथ्यू फिशर.

Add Zee News as a Preferred Source

TAGS:

Marathi News

Cricket News

Team india

About the Author

pooja pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.