SOCIAL MEDIA

Newsletter

PARTNER SITES
Select Language Select State

चौथ्या वनडे सामन्यात भारताची प्लेईंग 11 पूर्णपणे बदलणार, शुभमन गिल आणि केएल राहुल होणार बाहेर

IND VS NZ 4th ODI : भारत विरुद्ध न्यूझीलंड यांच्यात १३ नोव्हेंबर रोजी चौथा वनडे सामना खेळवला जाणार आहे. मात्र या सामन्यात टीम इंडियाच्या प्लेईंग ११ मध्ये मोठे बदल होणार आहेत. तेव्हा हे बदल नेमके कोणते याविषयी जाणून घेऊयात.

Reported By pooja pawar Written By pooja pawar
Published: Nov 11, 2026, 06:32 IST | Updated: Nov 11, 2026, 07:18 IST
Image Credit: चौथ्या वनडे सामन्यात भारताची प्लेईंग 11 पूर्णपणे बदलणार, शुभमन गिल आणि केएल राहुल होणार बाहेर
Join

IND VS NZ 4th ODI : भारत विरुद्ध न्यूझीलंड यांच्यात पाच सामान्यांची वनडे सीरिज खेळवली जात असून यातील चौथा सामना हा 13 नोव्हेंबर रोजी माउंट माउंगानुई येथे खेळवला जाईल. या सीरिजमधील सुरुवातीचे दोन सामने हे भारताने जिंकले तर तिसरा सामना हा पावसामुळे रद्द झाला. त्यामुळे सध्या टीम इंडिया सीरिजमध्ये 2-0 ने आघाडीवर आहे. मात्र आता सीरिजमधील उर्वरित दोन सामन्यांसाठी टीम इंडियात मोठे बदल होणार आहेत. यात टीम इंडियाचा कर्णधार बदलणार असून संघाचं नेतृत्व हे श्रेयस अय्यरकडे करेल तर केएल राहुल सुद्धा उर्वरित दोन सामन्यांच्या प्लेईंग 11 चा भाग नसेल.

कोण IN कोण OUT?

भारतीय संघ न्यूझीलंड दौऱ्यावर ऑक्टोबर महिन्यापासून असून येथे ते पाच सामन्यांची टी20, पाच सामन्यांची वनडे तर दोन सामन्यांची टेस्ट सीरिज खेळवली जाणार आहे. आता पाच सामन्यांच्या वनडे सीरिजमधील उर्वरित दोन सामन्यात टीम इंडियाचे तीन खेळाडू दिसणार नाहीत. यात कर्णधार शुभमन गिल, स्टार विकेटकिपर फलंदाज केएल आणि वेगवान गोलंदाज अंशुल कंबोज यांचा समावेश होता. तिलक वर्माचा वनडे संघात समावेश करण्यात आला असून, कुमार कुशाग्रालाही संघात स्थान देण्यात आले आहे. वेगवान गोलंदाज अंशुल कंबोजच्या जागी वेगवान गोलंदाज यश ठाकूरला वनडे संघात समाविष्ट करण्यात आले आहे. आगामी कसोटी मालिकेच्या पार्श्वभूमीवर, चौथ्या आणि पाचव्या एकदिवसीय सामन्यांसाठी एक स्वतंत्र संघ निवडण्यात आला आहे.

रोहित आणि ऋतुराज करणार ओपनिंग?

चौथ्या वनडे सामन्यात ऋतुराज गायकवाड आणि रोहित शर्मा हे दोघे इनिंगची सुरुवात करू शकतात. केएल राहुलच्या जागी ईशान किशन हा विकेटकिपिंगची जबाबदारी सांभाळतील. विराट कोहलीचं तिसऱ्या आणि श्रेयस अय्यर हा चौथ्या क्रमांकावर खेळणं निश्चित आहे. याशिवाय गोलंदाजीत एक बदल होणार आहे. ते म्हणजे अंशुल कंबोज ऐवजी यश ठाकुर किंवा कुलदीप यादवला प्लेईंग ११ मध्ये सामील केलं जाऊ शकतं.

हेही वाचा : जानेवारीमध्ये IPL खेळवण्याची मागणी, KKR ची मालकीण जुही चावलाने केली पोस्ट

चौथ्या सामन्यासाठी भारताची संभाव्य प्लेईंग 11 :

ऋतुराज गायकवाड़, रोहित शर्मा, विराट कोहली, श्रेयस अय्यर (कर्णधार), ईशान किशन (विकेटकीपर), नमन धीर, अक्षर पटेल, आकिब नबी डार, कुलदीप यादव/यश ठाकुर, गुरनूर बराड़ आणि अर्शदीप सिंह.

चौथ्या आणि पाचव्या सामन्यासाठी भारतीय संघ : श्रेयस  अय्यर (कर्णधार), रोहित शर्मा, विराट कोहली, तिलक वर्मा, नमन धीर, ऋतुराज गायकवाड़, अक्षर पटेल, ईशान किशन (विकेटकीपर), कुमार कुशाग्र (विकेटकीपर), आकिब नबी डार, गुरनूर बराड़, अर्शदीप सिंह, मोहम्मद सिराज, यश ठाकुर आणि कुलदीप यादव 
 

Add Zee News as a Preferred Source
TAGS:

About the Author

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.  पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES