IND vs NZ चौथ्या सामन्यात पाऊस खेळ खराब करणार, कसे असेल सामन्यादरम्यान हवामान?

भारत विरुद्ध न्यूझीलंड यांच्यामध्ये एकदिवसीय मालिकेचा तिसरा सामना हा पावसामुळे रद्द करण्यात आला. या सामन्यामध्ये मुसळधार पाऊस कोसळत असल्यामुळे सामना रद्द करण्यात आला होता. या मालिकेमध्ये भारताच्या संघाने पहिल्या दोन सामन्यांमध्ये विजय मिळवून मालिकेमध्ये 2-0 अशी आघाडी घेतली आहे. तर मालिकेमध्ये टिकून राहण्यासाठी न्यूझीलंडच्या संघाला चौथ्या सामन्यामध्ये विजय मिळवणे अनिवार्य आहे. न्यूझीलंडच्या संघ या मालिकेमध्ये उर्वरित दोन्ही सामने जिंकले तर मालिका बरोबरीत संपेल. आता भारताच्या संघाला चौथ्या सामन्यामध्ये विजय मिळवून मालिका जिंकण्याची संधी आहे त्याआधी बे ओव्हल येथील हवामान कसे असणार आहे यासंदर्भात सविस्तर वाचा.

एकदिवसीय मालिकेमध्ये न्यूझीलंडच्या संघाची खराब फलंदाजी पाहायला मिळाली. न्यूझीलंडच्या खेळपट्ट्यांवर वेगवान गोलंदाजांना चांगली मदत मिळत आहे त्यामुळे मग गोलंदाजांची प्रभावी कामगिरी पाहायला मिळाली आहे. त्याचबरोबर या मालिकेवर हवामानाचाही परिणाम झाला आहे कारण ढगाळ वातावरणामुळे वेगवान गोलंदाजांना मदत पाहायला मिळत आहे, चौथ्या सामन्यामध्ये सामन्यादरम्यान हवामान कसे असणार यासंदर्भात सविस्तर वाचा.

हे ही वाचा

काव्या मारन आणि अनिरुद्ध रविचंदर अखेर विवाहबंधनात अडकले; पहिली झलक व्हायरल

कसे असेल सामन्यादरम्यान हवामान?

भारत विरुद्ध न्यूझीलंड यांच्यामध्ये शुक्रवार, 13 नोव्हेंबर 2026 रोजी बे ओव्हल येथे होणाऱ्या सामन्यादरम्यान हवामान निरभ्र राहण्याची शक्यता आहे. या दिवशी पावसाची 10 टक्के शक्यता असल्याने, सामना पूर्णपणे खेळला जाण्याची दाट शक्यता आहे. एकदिवसीय मालिकेत आतापर्यंत एकही 50 षटकांचा एकदिवसीय सामना खेळला गेलेला नाही, परंतु येथे एक पूर्ण 50 षटकांचा सामना अपेक्षित आहे. शुक्रवारी कमाल तापमान 22 अंश सेल्सिअस राहण्याची शक्यता असून, रात्री ते 11 अंश सेल्सिअसपर्यंत खाली येण्याची शक्यता आहे.

चौथ्या सामन्यामध्ये टीम इंडियाचा कर्णधार श्रेयस अय्यर संघाचे नेतृत्त्व करताना दिसणार आहे. शुभमन गिल हा कसोटी मालिकेची तयारी करत आहे त्यामुळे त्यामुळे तो चौथ्या आणि पाचव्या सामन्यामध्ये खेळणार नाही. त्याच्या जागी एकदिवसीय उपकर्णधार श्रेयस अय्यर संघाचे नेतृत्व करेल. त्याच्याच नेतृत्वाखाली भारताने यापूर्वी टी-20 मालिका 3-2 ने जिंकली होती.