पदार्पणाच्या पहिल्याच 2 बॉलमध्ये 2 विकेट, भारतीय महिला खेळाडूने रचला विक्रम

India VS Zimbabwe Niki Prasad Takes 2 Wickets : भारत विरुद्ध झिम्बाब्वे यांच्यात टी20 सीरिज खेळवली जात असून यात भारताकडून पदार्पण करणाऱ्या निकी प्रसादने जबरदस्त कामगिरी करून विक्रम केला. तिने पदार्पणाच्या पहिल्या दोन बॉलमध्येच दोन विकेट घेतल्या.

Reported Bypooja pawar

Published: Oct 19, 2026, 11:26 AM IST|Updated: Oct 19, 2026, 12:07 PM IST

join share

पदार्पणाच्या पहिल्याच 2 बॉलमध्ये 2 विकेट, भारतीय महिला खेळाडूने रचला विक्रम

Image Credit: करिअरच्या पहिल्याच 2 बॉलमध्ये 2 विकेट, पदार्पणातच भारतीय महिला खेळाडूने रचला विक्रम

India VS Zimbabwe : भारतीय महिला क्रिकेट संघात आता नव युग सुरु झालं असून हरमनप्रीत कौर कर्णधार पदावरून पायउतार झाल्यावर स्मृती मंधानाच्या नेतृत्वात भारतीय महिला संघ सामना खेळत आहे. स्मृती मंधानाच्या नेतृत्वात टीम इंडिया झिम्बाब्वे दौऱ्यासाठी गेली असून येथे अनुभवी खेळाडूंसह काही नव्या खेळाडूंना सुद्धा संधी देण्यात आली आहे. यात 20 वर्षांच्या निकी प्रसादच्या नावाचा समावेश होता. फक्त 20 वर्षांच्या युवा खेळाडू निकीने आपल्या डेब्यू सीरीजमध्येच आधी गोलंदाजीने तर नंतर फलंदाजीतील कामगिरीने छाप सोडली.

पदार्पणातच अविस्मारणीय खेळी :

भारत विरुद्ध झिम्बाब्वे महिला संघांमधील सध्या टी20 सीरिज सुरु आहे. निकी प्रसादच्या आंतरराष्ट्रीय कारकिर्दीची सुरुवात याच सीरिजमधून झाली. तिने या सीरिजमधील पहिल्याच सामन्यात पदार्पण केले. त्या सामन्यात निकीने भारतीय संघाला कठीण परिस्थितीतून सावरले आणि दीप्ती शर्माच्या साथीने संघाला विजयापर्यंत पोहोचवले. या सामन्यात तिने 39 धावांची नाबाद खेळी केली.

पहिल्या सामन्यात फलंदाजीमध्ये उत्कृष्ट कामगिरी केल्यानंतर आता तिची गोलंदाजीत सुद्धा तिने जबरदस्त कामगिरी केली. सीरिजमधील दुसऱ्या सामन्यात निकीने आपल्या आंतरराष्ट्रीय कारकिर्दीतील पहिल्याच बॉल बळी मिळवून इतिहास घडवला. 15 व्या ओव्हर गोलंदाजीसाठी आलेल्या निकीने आपल्या पहिल्याच बॉलवर चिपोनो तिरिपानोला बाद केले. तिरिपानो ही झिम्बाब्वेसाठी सर्वाधिक धावा करणारी खेळाडू होती, जिने 34 धावा केल्या होत्या. या कामगिरीसह, निकी आपल्या आंतरराष्ट्रीय कारकिर्दीतील पहिल्याच बॉलवर विकेट मिळवणारी पहिली भारतीय महिला गोलंदाज ठरली.

अशी कामगिरी करणारी पहिली गोलंदाज :

निकीने पहिल्या बॉलमध्ये तर विकेट घेतलीच मात्र दुसऱ्या बॉलमध्ये सुद्धा निकीने विकेट घेऊन सर्वांना आश्चर्यचकित केलं. यासोबतच ती आंतरराष्ट्रीय क्रिकेटमध्ये आपल्या सुरुवातीच्या 2 बॉलमध्ये 2 विकेट घेणारी पहिली भारतीय क्रिकेटर ठरली आहे. जरी निकीला हॅट्ट्रिक साधता आली नाही, तरीही तिने इतिहासात आपले नाव कोरले. तिने टाकलेल्या 2 ओव्हरमध्ये 7 धावा दिल्या आणि 2 विकेट मिळवले.

Add Zee News as a Preferred Source

TAGS:

About the Author

pooja pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.