W, W, W, W, W, W, W... टीम इंडियाने झिम्बाब्वेला 197 धावांवर गुडाळलं! श्री चरणीच्या फिरकीसमोर फलंदाज फेल
भारत विरुद्ध झिम्बाब्वे महिला संघाचा सामना सुरु आहे, एकदिवसीय मालिकेच्या पहिल्या सामन्यात सुरुवातीपासून टीम इंडियाचा दबदबा पाहायला मिळाला. या सामन्यात टीम इंडियाने झिम्बाब्वेला 197 धावांवर गुडाळलं.
भारत महिला संघ विरुद्ध झिम्बाब्वे महिला संघ यांच्यामध्ये मालिकेच्या पहिल्या एकदिवसीय सामन्याची पहिली इनिंग पार पडली, या सामन्यामध्ये भारतीय महिला संघाचा दबदबा पाहायला मिळाला. या सामन्यामध्ये भारतीय गोलंदाजांनी कमालीची कामगिरी केली, या सामन्यात श्री चरणी आणि क्रांती गौड यांची कमालीची कामगिरी पाहायला मिळाली. झिम्बाब्वेच्या महिला संघाने पहिल्या इनिंगमध्ये 197 धावा केल्या, पूर्ण ओव्हर न खेळता झिम्बाब्वेचा संघ सर्वबाद झाला. या सामन्यामध्ये टीम इंडियाची कामगिरी कशी राहिली यासंदर्भात सविस्तर वाचा.
भारत महिला संघ विरुद्ध झिम्बाब्वे महिला संघ यांच्यामध्ये झिम्बाब्वेच्या कर्णधाराने नाणेफेक जिंकून पहिले फलंदाजी करण्याचा निर्णय घेतला. या सामन्यामध्ये झिम्बाब्वेच्या संघाने पहिले फलंदाजी करत झिम्बाब्वेला 197 धावांवर सर्वबाद केले. भारतीय महिला संघाच्या गोलंदाजीबद्दल सांगायचे झाले तर आजच्या सामन्यामध्ये झिम्बाब्वेच्या संघाविरुद्ध श्रीचरणीने सर्वाधिक विकेट्स घेतले. श्री चरणीने संघासाठी 4 विकेट्स नावावर केले. तर क्रांती गौडने संघाला 3 विकेट्स घेऊन संघासाठी मोलाचे योगदान दिले.
हे ही वाचा
न्यूझीलंडविरुद्ध मालिकेदरम्यान टीम इंडियाच्या खेळाडूने आंतरराष्ट्रीय क्रिकेटला केला अलविदा
भारताने या सामन्यात जिंतिमणी कलिताला पदार्पणाची संधी दिली आहे. दुखापतीमुळे संघाबाहेर असलेल्या रेणुका सिंगच्या जागी तिला संधी मिळाली आहे. दिप्ती शर्माने भारतीय संघासाठी 2 विकेट्स घेतले तर शेफाली वर्माने संघाला 1 महत्त्वाचा विकेट मिळवून दिला. या सामन्यामध्ये भारतीय संघाच्या फलंदाजीवर लक्ष असणार आहे कारण आज भारतीय संघाची जोडी बदलेली असणार आहे, शेफाली वर्माच्या जागेवर आजच्या सामन्यामध्ये प्रतिका रावल ओपनिंग करताना दिसणार आहे. त्यामुळे स्मृती मानधना आणि प्रतिका रावल दोघींच्या कामगिरीवर सर्वांची नजर असणार आहे.
झिम्बाब्वेकडून बिलावेद बिझाने पाच चौकारांच्या मदतीने 62 धावा करत शानदार अर्धशतक झळकावले. त्याव्यतिरिक्त, झिम्बाब्वेचा इतर कोणताही फलंदाज फार काही करू शकला नाही. यष्टीरक्षक-फलंदाज मॉडेस्टर मुपाचिकवाने २५ धावांचे योगदान दिले, तर मिचेल मावुंगाने 29 धावा केल्या. भारताकडून, श्री चरणीने 23 धावांत चार बळी घेतले, तर क्रांती गौडने तीन बळी घेतले. दीप्ती शर्माने दोन बळी घेतल्याने, झिम्बाब्वेचा डाव 49.5 षटकांत 197 धावांवर आटोपला.
