चेन्नई सुपर किंग्सने (CSK) आयपीएल 2027 साठी रिटेन आणि रिलीज केलेल्या खेळाडूंची यादी जाहीर केली आहे. आगामी हंगामापूर्वी चेन्नईने एकूण 11 खेळाडूंना संघातून रिलीज केलं आहे. सीएसकेने सोशल मीडियाच्या माध्यमातून ही यादी जाहीर केली. विशेष म्हणजे, माजी कर्णधार आणि दिग्गज यष्टिरक्षक-फलंदाज एमएस धोनीने आयपीएलमधून निवृत्ती घेतली असून, आता तो मेंटॉर म्हणून काम पाहणार आहे. आयपीएल 2027 च्या लिलावात उतरताना चेन्नई सुपर किंग्सकडे 28.05 कोटी रुपयांची रक्कम असेल.
आयपीएल 2027 च्या लिलावापूर्वी, चेन्नईने प्रशांत वीर, मॅथ्यू शॉर्ट, मॅट हेन्री, जैक फाउल्क्स, स्पेन्सर जॉन्सन, अमान खान, कुलदीप यादव, आकाश मधवाल, डियान फोरेस्टर आणि मैकनील नोरोन्हा यांना संघातून रिलीज केलं आहे. चेन्नईने शिवम दुबेवर आपला विश्वास कायम ठेवला आहे. त्याला संघातून काढून टाकलं जाऊ शकतं, अशा चर्चा सुरू असतानाही संघाने त्याला कायम ठेवण्याचा निर्णय घेतला आहे. याशिवाय, सरफराज खानलाही चेन्नईने संघात कायम ठेवलं आहे.
प्रशांत वीरप्रमाणेच, चेन्नईने तरुण फलंदाज कार्तिक शर्माला 14.20 कोटी रुपयांना विकत घेतलं होतं. मात्र, फ्रँचायझीने त्याच्यावर विश्वास दाखवत त्याला संघात कायम ठेवण्याचा निर्णय घेतला आहे. याव्यतिरिक्त, चेन्नईने ट्रेडद्वारे लियाम लिव्हिंगस्टोन आणि जॅक एडवर्ड्स यांना आपल्या संघात सामील करून घेतलं आहे. तसंच, जेमी ओव्हरटन, नूर अहमद आणि अकील होसेन यांनाही संघात कायम ठेवण्यात आलं आहे.
प्रशांत वीर, मॅथ्यू शॉर्ट, मॅट हेन्री, जॅक फोल्क्स, स्पेन्सर जॉन्सन, अमन खान, कुलदीप यादव, आकाश मधवाल, डायन फॉरेस्टर आणि मॅकनील नोरोन्हा.
ऋतुराज गायकवाड (कर्णधार), संजू सॅमसन, शिवम दुबे, आयुष म्हात्रे, डेवाल्ड ब्रेविस, जेमी ओवरटन, कार्तिक शर्मा, नूर अहमद, उर्विल पटेल, सरफराज खान, अंशुल कंबोज, अकील हुसैन, गुरजपनीत सिंह, रामकृष्ण घोष, मुकेश चौधऱी, राहुल चहर, श्रेयस गोपाल, लिव्हिंगस्टोन आणि जॅक एडवर्ड्स.