काव्या मारन आणि अनिरुद्धच्या लग्नाची तारिख ठरली, मुख्यमंत्र्यांनी केली पोस्ट! जाणून घ्या केव्हा आणि कुठे पार पडणार सोहळा?

आयपीएल फ्रँचायझी सनरायझर्स हैदराबादच्या मालक काव्या मारन आणि संगीतकार अनिरुद्ध रविचंद्रन यांच्या डेटिंगची चर्चा मागील काही काळापासून सातत्याने पाहायला मिळाली आहे. मागील काही दिवसांमध्ये अनेकदा त्यांच्या लग्नाच्या चर्चेमुळे सोशल मिडियावर देखील ते ट्रेंडिंगमध्ये आले आहेत. काव्या मारन आणि संगीतकार अनिरुद्ध रविचंद्रन यांच्या लग्नाची तारिख आणि ठिकाणाबद्दल सविस्तर माहिती समोर आली आहे. काव्या मारन आणि संगीतकार अनिरुद्ध रविचंद्रन हे जोडपे चा विवाह ११ नोव्हेंबर रोजी ग्रीसमध्ये होणार आहे, आता या सोहळ्यांची संपूर्ण माहिती सविस्तर वाचा.

काव्या मारनचे वडील, सन ग्रुपचे चेअरमन कलानिधी मारन यांनी त्यांच्या पत्नी कावेरी मारन यांच्यासह काल ज्युबिली हिल्स येथे मुख्यमंत्री रेवंत रेड्डी यांच्या निवासस्थानी आमंत्रण करण्यासाठी केले होती, यावेळी मुख्यमंत्र्यांना भेट देखील दिली होती. काव्या मारनच्या लग्नाच्या ग्रीसमधील स्वागत समारंभाचे आमंत्रण दिले. मुख्यमंत्री रेवंत रेड्डी यांनी या प्रसंगाचे फोटो आणि व्हिडिओ त्यांच्या अधिकृत हँडलवर पोस्ट केले आहेत, जे आता सोशल मीडियावर व्हायरल होत आहेत.

सोशल मिडियावर मुख्यमंत्री रेवंत रेड्डी यांनी एक पोस्ट शेअर केली आहे यामध्ये त्यांनी लिहीले आहे की, सन ग्रुपचे चेअरमन श्री कलानिधी मारन आणि त्यांच्या पत्नी श्रीमती कावेरी मारन यांनी ज्युबिली हिल्स येथील निवासस्थानी माननीय मुख्यमंत्री श्री ए. रेवंत रेड्डी यांची भेट घेतली आणि त्यांना आपली मुलगी काव्या मारन हिच्या विवाह स्वागत समारंभासाठी आमंत्रित केले. काव्या मारन आणि अनिरुद्ध रविचंद्रन यांचा विवाह स्वागत समारंभ 21 नोव्हेंबर रोजी चेन्नई येथे होणार आहे.

Sun Group Chairman Shri Kalanithi Maran and his wife, Smt. Kavery Maran, met Hon’ble Chief Minister Shri A. Revanth Reddy at his residence in Jubilee Hills and invited him to the wedding reception of their daughter, Kavya Maran. The wedding reception of Kavya Maran and Anirudh Ravichander is scheduled to be held in Chennai on November 21. #KalanithiMaran #KavyaMaran

— Telangana CMO (@TelanganaCMO) October 16, 2026

अनिरुद्ध रविचंद्रन कोण आहेत?

अनिरुद्ध रविचंद्रन हे दक्षिण भारतीय चित्रपटसृष्टीतील एक सुप्रसिद्ध संगीतकार, पार्श्वगायक आणि संगीत निर्माता आहेत. 2012 मध्ये '3' या चित्रपटातील 'व्हाय धिस कोलावेरी डी' या गाण्यामुळे त्यांना जगभरात ओळख मिळाली. हे गाणे इंटरनेटवर प्रचंड लोकप्रिय झाले आणि देशभरात अनिरुद्धचे नाव चर्चेचा विषय बनले. त्यानंतर त्यांनी 'कथ्थी', 'मास्टर', 'विक्रम', 'जेलर', 'लिओ' आणि 'जवान' यांसारख्या चित्रपटांसाठी संगीत दिले. त्यांचे संगीत तमिळ चित्रपटसृष्टीच्या पलीकडे जाऊन तेलुगू आणि हिंदी चित्रपटांपर्यंत विस्तारले आहे.

हे ही वाचा

Mumbai Indians च्या संघाला मोठा धक्का! मुख्य प्रशिक्षकाने दिला राजीनामा

कोण आहे काव्या मारन?

काव्या मारन ही सन ग्रुपचे चेअरमन कलानिधी मारन यांची मुलगी असून, तिच्या आईचे नाव कावेरी मारन आहे. काव्या ही सन ग्रुपच्या मालकीच्या इंडियन प्रीमियर लीग (IPL) फ्रँचायझी सनरायझर्स हैदराबादची मालक देखील आहे. ती अनेकदा आयपीएल सामन्यांना उपस्थित राहून आपल्या संघाला पाठिंबा देताना दिसते, ज्यामुळे ती क्रिकेट चाहत्यांमध्ये आणि सोशल मीडियावर लोकप्रिय आहे. आयपीएल फ्रँचायझीची मालक म्हणून ती क्रिकेट जगतातील सर्वात प्रसिद्ध व्यक्तींपैकी एक असून नेहमीच चर्चेत असली तरी, ती आपले वैयक्तिक आयुष्य प्रसिद्धीपासून दूर ठेवते.