SOCIAL MEDIA

Newsletter

PARTNER SITES
Select Language Select State

पाकिस्तान क्रिकेट बोर्डाने दिग्गज क्रिकेटर्सना दिला धक्का, 'या' स्टार खेळाडूंना वगळलं, पाहा लिस्ट

PCB Central Contract 2026-27 : पाकिस्तान क्रिकेट बोर्डाने सेंट्रल कॉन्ट्रॅक्ट 2026 -27 ची घोषणा झाली आहे. यावेळी तीन स्टार खेळाडूंना या कॉन्ट्रॅक्टमध्ये सामील करण्यात आलेलं नसून यात मोहम्मद रिझवानच्या नावाचाही समावेश आहे.

Reported By pooja pawar Written By pooja pawar
Published: Nov 21, 2026, 14:30 IST | Updated: Nov 21, 2026, 15:02 IST
Image Credit: पाकिस्तान क्रिकेट बोर्डाने दिग्गज क्रिकेटर्सना दिला धक्का, 'या' स्टार खेळाडूंना वगळलं, पाहा लिस्ट
Join

PCB Central Contract 2026-27 : पाकिस्तान क्रिकेट बोर्डाने सेंट्रल कॉन्ट्रॅक्ट 2026 -27 मिळालेल्या खेळाडूंची लिस्ट जाहीर केली आहे. ज्यात स्टार क्रिकेटर मोहम्मद रिझवानला बाहेरचा रस्ता दाखवण्यात आला असून तो त्या 7 खेळाडूंमध्ये सामील होता ज्यांना याचवर्षी सप्टेंबर महिन्यात इंग्लंड दौऱ्या दरम्यान माध्यातूनच घरी पाठवण्यात आलं. त्यानंतर ऑनलाईन बेटिंगच्या संशयावरून NCCIA (नॅशनल सायबर क्राईम इन्व्हेस्टिगेशन एजन्सी) ने तपास आणि चौकशी केली होती.

तीन मोठ्या नावांना वगळलं :

पाकिस्तान क्रिकेट बोर्डाच्या सेंट्रल कॉन्ट्रॅक्ट लिस्टमध्ये सॅमी अयुबचं नाव देखील सामील आहे. तसेच स्टार क्रिकेटर शान मसूदचं सुद्धा नाव या लिस्टमधून गायब आहे. पीसीबीने एक निवेदन जारी करून म्हटले आहे की, 'पाकिस्तान क्रिकेट बोर्डाने 38 पुरुष क्रिकेटपटूंसाठी नवीन केंद्रीय करार संरचना जाहीर केली आहे, जी 30 जून 2027 रोजी संपेल'.

बाबर आझम आणि सलमान अली आगा यांना टॉप कॅटेगरीमध्ये सामील करण्यात आलं आहे जे टेस्ट आणि वनडेसाठी आहे. पाकिस्तान बोर्डाने या लिस्टला 5 कॅटेगरीमध्ये विभागलं असून यातील पहिल्या कॅटेगरीमध्ये बाबर आणि सलमान आगा यांना टेस्ट आणि वनडे सामन्यांसाठी करार मिळाले आहेत. दुसऱ्या कॅटेगरीमध्ये टेस्ट सामन्यांसाठीचे करार आहेत, ज्यामध्ये 4 खेळाडूंचा समावेश आहे. वनडे आणि टी20 सामन्यांच्या कॅटेगरीमध्ये 6 खेळाडूंचा समावेश असून, त्यात फखर जमान, अबरार अहमद आणि शाहीन शाह आफ्रिदी यांचा समावेश आहे.

चौथ्या श्रेणीमध्ये अशा खेळाडूंचा समावेश आहे ज्यांना टी20 क्रिकेटसाठी करार मिळाले आहेत. या गटात हसन नवाझ, नसीम शाह आणि शादाब खान यांच्यासह एकूण 7 खेळाडू आहेत. याव्यतिरिक्त एक 'डेव्हलपमेंट' श्रेणीही आहे, ज्यामध्ये अब्दुल समदसह 19 खेळाडूंचा समावेश आहे.

हेही वाचा : रविवार ठरणार ब्लॉकबस्टर! भारत - पाकिस्तान क्रिकेटच्या मैदानावर आमने सामने; तिलक, वैभव, रिंकू यंग ब्रेगेड करणार पाकशी भिडणार

कॉन्ट्रॅक्ट (टेस्ट आणि वनडे) : 
बाबर आजम और सलमान अली आगा.

कॉन्ट्रॅक्ट (टेस्ट) : 
अजान अवैस, मोहम्मद अब्बास, साजिद खान आणि सऊद शकील.

कॉन्ट्रॅक्ट (वनडेआणि टी20) : 
अबरार अहमद, अराफात मिन्हास, फखर जमान, फहीम अशरफ, हारिस रऊफ आणि शाहीन शाह अफरीदी.

कॉन्ट्रॅक्ट (टी20) : 
हसन नवाज, माज सदाकत, मोहम्मद सलमान मिर्जा, नसीम शाह, साहिबजादा फरहान, शादाब खान आणि उस्मान तारिक.

कॉन्ट्रॅक्ट (डेव्हलपमेंट) : 
अब्दुल समद, अब्दुल्ला फजल, अहमद दानियाल, अली रजा, फरहान यूसुफ, हुनैन शाह, मोहम्मद ताहा, मोहम्मद तैयब आरिफ, मुहम्मद गाजी गोरी, मुहम्मद इमरान रंधावा, रजाउल्लाह, साद बेग, साद मसूद, समीर मिन्हास, साकिब खान, शाहजेब खान, शमील हुसैन, सुफियान मोकीम आणि उबैद शाह.

Add Zee News as a Preferred Source
TAGS:

About the Author

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.  पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES