एकदिवसीय मालिकेआधी टीम इंडियाला मोठा धक्का! भारताचा हा खेळाडू दुखापतीमुळे बाहेर?

भारताचा संघ सध्या न्यूझीलंड दौऱ्यावर आहे, या दौऱ्यावर टीम इंडिया सध्या पाच सामन्यांची टी20 मालिका न्यूझीलंडविरुद्ध खेळत आहे. भारताच्या संघाने टी20 मालिकेमध्ये कमालीची कामगिरी केली आहे, त्यानंतर टीम इंडिया टी20 मालिका झाल्यानंतर एकदिवसीय मालिका खेळणार आहे. भारत विरुद्ध न्यूझीलंड यांच्यामध्ये एकदिवसीय मालिकेचे पाच सामने खेळवले जाणार आहेत, ही एकदिवसीय मालिका सुरु होण्याआधी भारताच्या संघाला मोठा धक्का बसला आहे. स्टार वेगवान गोलंदाज प्रसिद्ध कृष्णा न्यूझीलंडविरुद्धच्या आगामी पाच एकदिवसीय सामन्यांच्या मालिकेतून बाहेर पडला आहे. आता त्याच्या जागेवर बीसीसीआय कोणत्या खेळाडूला स्थान मिळणार यासंदर्भात जाणून घ्या.

भारताचा गोलंदाज प्रसिद्ध कृष्णा यांचे न्यूझीलंडविरुद्ध बीसीसीआयने घोषणा केलेल्या संघामध्ये स्थान मिळाले होते. पण प्रसिद्ध अद्याप हॅमस्ट्रिंगच्या दुखापतीतून पूर्णपणे सावरलेला नाही, त्यामुळे तो एकदिवसीय मालिकेत सहभागी होऊ शकणार नाही. त्यामुळे आता प्रसिद्ध कृष्णा याच्या जागेवर भारताच्या संघामध्ये कोणत्या बदली खेळाडूला भारतीय संघामध्ये स्थान मिळणार याकडे सर्वांची नजर आहे. भारतीय क्रिकेट नियामक मंडळातील (BCCI) एका सूत्राने दिलेल्या माहितीनुसार, त्याच्या जागी आकिब नबीचा एकदिवसीय संघात समावेश केला जाऊ शकतो. आकिब नबीने कसोटीमध्ये पदार्पण केले होते पण त्याला खेळण्याची जास्त संधी मिळाली नाही.

हे ही वाचा

W, W, W, W, W... झिम्बाब्वेविरुद्ध 20 वर्षीय गोलंदाजांचा धुमाकूळ! कोण आहे वैष्णवी शर्मा?

भारत विरुद्ध न्यूझीलंड यांच्यामध्ये 4 नोव्हेंबरपासून एकदिवसीय मालिकेला सुरुवात होणार आहे, प्रसिद्ध कृष्णाच्या प्रकृतीत सुधारणा होत आहे. त्यामुळे तो सध्या पूर्णपण फीट आहे की नाही हे 1 आणि 2 नोव्हेंबर रोजी समजेल. कारण बंगळूरु येथील सेंटर ऑफ एक्सलन्समध्ये त्याच्या मॅच सिम्युलेशन आणि फिटनेस चाचण्या होणार आहेत. संघ व्यवस्थापन आणि राष्ट्रीय निवड समितीचा असा विश्वास आहे की प्रसिद्ध कसोटी सामन्यांसाठी पूर्णपणे तंदूरुस्त असावा, कारण एकदिवसीय सामने झाल्यानंतर कसोटी मालिका दोन सामन्यांची होणार आहे त्यामध्ये भारताच्या संघासाठी ही मालिका फार महत्त्वाची असणार आहे. 

वेस्ट इंडिजविरुद्धच्या घरच्या एकदिवसीय मालिकेदरम्यान तो हॅमस्ट्रिंगच्या दुखापतीने त्रस्त होता. बीसीसीआयने काही दिवसांपूर्वी न्यूझीलंडविरुद्धच्या एकदिवसीय मालिकेसाठी संघाची घोषणा केली होती. प्रसिद्धला संघात केवळ पहिल्या तीन सामन्यांसाठी स्थान मिळाले. प्रसिद्ध कृष्णाची उपलब्धता त्याच्या तंदुरुस्तीवर आणि डाव्या हॅमस्ट्रिंगच्या दुखापतीतून सावरण्यावर अवलंबून होती, परंतु पीटीआयच्या वृत्तानुसार, प्रसिद्धला मालिकेतून वगळण्यात आले आहे. तथापि, बीसीसीआयने याला अधिकृतपणे दुजोरा दिलेला नाही.