SOCIAL MEDIA

Newsletter

PARTNER SITES
Select Language Select State

4 मॅचमध्ये 30 च धावा... रोहितमुळे मित्रही अडचणीत! निवृत्तीसंदर्भातील चर्चेसाठी घेतलेली रोहितची भेट; नेमकं हे प्रकरण काय?

रोहित शर्माने नुकत्याच झालेल्या न्यूझीलंडविरुद्धच्या मालिकेमध्ये केलेल्या सुमार कामगिरीमुळे त्याच्यासोबतच त्याचा मित्रही अडचणीत आला आहे. नेमकं हे सारं प्रकरण काय जाणून घ्या सविस्तरपणे...

Reported By Swapnil Ghangale Written By Swapnil Ghangale
Published: Nov 18, 2026, 14:21 IST | Updated: Nov 18, 2026, 14:43 IST
Image Credit: रोहितमुळे मित्रही अडचणीत (प्रातिनिधिक फोटो)
Join

भारतीय संघ सध्या पुढील वर्षी होणाऱ्या एकदिवसीय क्रिकेट वर्ल्डकपच्या तयारीला लागला आहे. मात्र नुकत्याच झालेल्या न्यूझीलंडविरुद्धच्या मालिकेने भारतीय संघाचं टेन्शन अजून वाढवलं आहे. या मालिकेमध्ये भारतीय सलामीवीरांना खास करून रोहित शर्माला विशेष प्रभाव पाडता आला नाही. या मालिकेमध्ये चार सामन्यांत रोहितला 30 धावा करता आल्या. त्यामुळेच रोहितच्या भविष्याबद्दल आणि त्याला 2027 च्या एकदिवसीय वर्ल्डकपच्या संघात स्थान मिळणार का याबद्दल शंका उपस्थित केली जात आहे. मात्र रोहितच्या या कामगिरीमुळे त्याच्या मित्रासमोर एक मोठी अडचण निर्माण झाली आहे. हा मित्र कोण त्याच्यासमोरची अडचण कोणती हे जाणून घेऊयात...

रोहितचा कोणता मित्र अडचणीत आला?

रोहित शर्मामुळे भारतीय संघाचे नवनियुक्त मुख्य निवडकर्ता प्रज्ञान ओझा यांच्यासमोरील अडचणी वाढल्या आहेत. ज्युनियर क्रिकेटच्या दिवसांमध्ये रोहित आणि प्रज्ञान ओझा या दोघांची गट्टी जमली होती. पण आज रोहित आणि प्रज्ञान हे दोन जीवलग मित्र एका अशा गुंतागुंतीच्या परिस्थितीत सापडले आहेत, जी भारताला पुढील वर्षीच्या एकदिवसीय वर्ल्डकपआधी सोडवावीच लागेल. रोहित शर्माच्या फलंदाजीतील सातत्याने खालावत असलेल्या कामगिरीमुळे चिंता वाढली आहे. एकीकडे कामगिरी खालावत असताना दुसरीकडे संघाकडून खेळत राहण्याच्या रोहितच्या दृढनिश्चयामुळे प्रज्ञान समोर मैत्री की संघाला प्राधान्य असा पेच निर्माण झाला आहे. दक्षिण आफ्रिकेतील वर्ल्डकपसारख्या सर्वात मोठ्या स्पर्धेसाठी भारतीय संघात आपले स्थान निश्चित करण्याकरिता केवळ रोहितची खेळण्याची आवड पुरेशी ठरेल की कामगिरीच्या आधारे त्याला निवृत्तीची सक्ती करावी? याचं उत्तर मित्र असलेल्या प्रज्ञानलाच शोधावं लागेल.

निवृत्तीसंदर्भात प्रज्ञानने एकदा घेतलीय रोहितची भेट

प्रज्ञान भारतीय संघात रोहितसोबत अनेक सामने खेळला आहे. राष्ट्रीय संघाबरोबरच 'आयपीएल'मध्ये रोहित आणि प्रज्ञान 'डेक्कन चार्जर्स' आणि नंतर 'मुंबई इंडियन्स'कडूनही एकत्र खेळले आहेत. या वर्षाच्या सुरुवातीला, तत्कालीन मुख्य निवडकर्ता अजित आगरकर यांच्या सांगण्यावरून इंग्लंडविरुद्धच्या एकदिवसीय सामन्यापूर्वी प्रज्ञानने रोहितची भेट घेतली होती. लॉर्ड्सवर निवृत्त होण्याच्या प्रस्तावावर रोहित विचार करेल का, हे पाहणे हा या भेटीचा उद्देश होता. तथापि, रोहितला हा प्रस्ताव आवडला नाही आणि त्याने भारतीय क्रिकेटच्या वरिष्ठ अधिकाऱ्यांकडे आपली नाराजी व्यक्त केली, ज्यामुळे आगरकर यांच्यासोबत त्याचे संबंध अत्यंत कटू झाले आणि ते आगरकर पद सोडेपर्यंत तसेच राहिले.

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES