शेवटच्या ओव्हरचा रोमांच, पाकिस्तानच्या जबड्यातून कसा खेचून आणला विजय? जाणून घ्या 'त्या' ओव्हरमध्ये काय काय घडलं?

U19 Asia Cup 2026 : क्रिकेटच्या खेळात नेहमी असं म्हंटलं जातं की जोपर्यंत शेवटचा बॉल पूर्ण होत नाही तोपर्यंत पराभव स्वीकारायचा नाही आणि विजयी होण्याची आशा सोडू नये. अनेकदा असं पाहिलं जातं की अनेकदा एखादा संघ हा शेवटच्या बॉलमुळे हाताजवळ आलेला विजय गमावतात. असंच काहीस अंडर 19 आशिया कपमध्ये भारत विरुद्ध पाकिस्तान यांच्यात खेळवण्यात आलेल्या फायनलमध्ये पाहायला मिळालं. भारत आणि पाकिस्तान या दोघांमध्ये ओमान येथे अंडर 19 आशिया कप 2026 चा सामना खेळवला गेला होता. या सामन्यात पाकिस्तानच्या संघाने हा सामना जवळपास जिंकला होता. मात्र शेवटच्या ओव्हरमध्ये सामना फिरला आणि भारतीय संघाचा अवघ्या 1 विकेटने विजय झाला. तेव्हा या सामन्याच्या शेवटच्या ओव्हरमध्ये असं काय झालं? ज्यामुळे सामना पूर्णपणे पलटला.  

भारत - पाक यांच्यात फायनल शेवटच्या ओव्हरचा रोमांच :  

भारताविरुद्धच्या 19 वर्षांखालील आशिया कप स्पर्धेच्या अंतिम सामन्यात, पाकिस्तानने प्रथम फलंदाजी करताना 50 ओव्हरमध्ये 9 विकेट गमावून 337 धावांचा डोंगर उभारला. प्रत्युत्तरात, भारतीय संघाची सुरुवात चांगली झाली, परंतु ठराविक अंतराने विकेट्स पडत राहिल्यामुळे पाकिस्तान सामन्यात टिकून राहिला; मात्र, एक सकारात्मक बाब म्हणजे भारताने यादरम्यान काही लहान लहान भागीदारी उभारण्यात यश मिळवले. यामुळे 49  ओव्हरच्या अखेरीस भारतीय संघाने 9 विकेट गमावून 330 धावा केल्या होत्या. या टप्प्यावर भारतीय संघाला शेवटच्या 6 बॉलवर 8 धावांची गरज होती, तर पाकिस्तानला विजयासाठी 1 विकेट हवा होता.

Dhurandhars on the field!  Our Boys in Blue have defeated Pakistan in the AsiaCupU19Final.  What a joyous moment. Super proud of our Champions! INDvsPAK

 Piyush Goyal PiyushGoyal) November 14, 2026

पहिला बॉल : शेवटच्या ओव्हरच्या पहिल्या बॉलवर भारताचा मोहित उल्वा फलंदाजी करत होता, तर अहाम हुसेन गोलंदाजी करत होता. या बॉलवर  मोहितला स्टंपिंग करण्यासाठी अपील करण्यात आले, परंतु तो बचावला. मात्र, या चेंडूवर कोणतीही धाव निघाली नाही.

दुसरा बॉल : अहमद हुसेनने वाईड बॉल टाकला, ज्यामुळे भारताला एक अतिरिक्त आणि अत्यंत मोलाची धाव मिळाली. मोहित स्ट्राईकवर कायम राहिला.

तिसरा बॉल : मोहितने 'पॉइंट' क्षेत्राच्या दिशेने फटका मारून एक धाव घेतली. त्यानंतर चिगुरुपती व्यंकट फलंदाजीसाठी आला. आता भारतीय संघाला उर्वरित ४ बॉलमध्ये ६ धावांची गरज होती.

चौथा बॉल : चिगुरुपती व्यंकटने या बॉलवर एक धाव घेतली आणि पुन्हा मोहितकडे स्ट्राईक सोपवली. आता संघाला शेवटच्या तीन बॉलवर 5 धावांची गरज होती.

पाचवा बॉल:  या बॉलवर मोहितने पुन्हा एकदा एक धाव घेतली आणि चिगुरुपती व्यंकटकडे स्ट्राईक सोपवली.

सहावा बॉल : या बॉलवर चिगुरुपती व्यंकटने आणखी एक धाव घेतली आणि स्ट्राईक मोहितकडे सोपवला.

सातवा बॉल : डावाच्या या शेवटच्या बॉलवर, मोहितसमोर तीन धावा करण्याचे आव्हान होते. अनेकांना हे कठीण वाटत असतानाच मोहितने 'वाईड लाँग-ऑफ'च्या दिशेने चौकार मारला आणि पाकिस्तानच्या हातातून विजय खेचून आणत तो भारताच्या झोळीत टाकला.