मुंबईतील लाइफलाइनचा एक धक्कादायक व्हिडीओ सोशल मीडियावर व्हायरल झाला आहे. लोकल ट्रेनमधून प्रवास करताना महिलांचा डब्बा असो किंवा पुरुषांचा यात अनेक वेळा प्रवाशांमध्ये किरकोळ कारणावरून वादावादी होणे हे काही मुंबईकरांसाठी नवीन नाही. पण चर्चगेटहून विरारला जाणाऱ्या फास्ट लोकलमध्ये दोन प्रवाशांमध्ये बाचाबाची झाली. त्यानंतर हे भांडण एवढं वाढलं की त्यांच्यामध्ये हाणामारी झाली. या हाणामारीत एकाचा तोल गेला आणि धावत्या लोकलमधून तो बाहेर फेकला गेला. या धक्कादायक आणि थरार घटनेचा व्हिडीओ सोशल मीडियावर व्हायरल होतो आहे. देव तारी त्याला कोण मारी, या हाणामारीच्या वेळी लोकलचा वेग कमी असल्याने जेव्हा तो तरुण लोकलमधून बाहेर फेकला गेला, तो सुदैवाने वाचला.
मिळालेल्या माहितीनुसार ही घटना शुक्रवारी रात्रीच्या साडेदहा वाजण्याच्या लोकलमध्ये घडली. तर चर्चगेट ते विरार लोकल जेव्हा ग्रँट रोड आणि मुंबई सेंट्रल रेल्वे स्थानकादरम्यान होती तेव्हा या दोन प्रवाशांमध्ये वाद झाला. हा वाद लोकलच्या दरवाजात उभे राहण्यावरून झाला. शाब्दिक वादाचे काही वेळात हाणामारीत रुपांतर झाले. त्यामुळे लोकल ट्रेनमधील वातावरण तणावपूर्ण निर्माण झाले आहेत. या हाणामारीत एक प्रवाशा धावत्या ट्रेनमधून बाहेर पडला. त्यामुळे डब्यातील इतर प्रवाशांमध्ये खळबळ माजली होती. सुदैवाने ही लोकल मुंबई सेंट्रल रेल्वे स्थानकाच्या प्लॅटफॉर्मवरून जात असल्याने फारसा वेग नव्हता. त्यामुळे मोठा अर्नथ आणि अपघात टळला.
Mumbai - Safety concerns aboard Mumbai’s suburban rail network have come to the fore once again after a dramatic altercation broke out inside a moving fast local train on Friday night, resulting in a commuter falling onto a station platform. The incident occurred at approximately 10:30 PM aboard a Virar-bound fast local train originating from Churchgate. According to witnesses, a heated verbal argument broke out between two commuters while traveling between Grant Road and Mumbai Central stations over standing space near the crowded doorway of the compartment. The disagreement quickly escalated into a violent physical scuffle. As the train approached Mumbai Central station, the assault intensified, causing one of the involved passengers to lose his balance and fall out of the doorway onto the platform. Major tragedy was averted as the train was moving at a low speed while pulling into the station. The fallen passenger reportedly escaped severe injuries.
— NextMinute News (@nextminutenews7) November 7, 2026
या घटनेचा व्हिडीओ सोशल मीडियावर व्हायरल झाला असून लोकल ट्रेनमधील प्रवाशांचा सुरक्षेचा प्रश्नावर पुन्हा एकदा चर्चा रंगली आहे.