SOCIAL MEDIA

Newsletter

PARTNER SITES
Select Language Select State

सर्वोच्च न्यायालयाचा दुसरं लग्न करणाऱ्या पतीला दणका, परदेशात घटस्फोट मिळाला म्हणजे भारतातील लग्न संपत नाही; दिला महत्वाचा आदेश

Divorce News : भारतात हिंदू विवाह कायद्यानुसार झालेल्या लग्नासाठी परदेशी न्यायालयाने दिलेला घटस्फोटाचा आदेश भारतीय कायद्यानुसार वैध ठरणे आवश्यक आहे. परदेशातील न्यायालयाने घटस्फोट मंजूर केला म्हणून भारतात झालेले लग्न आपोआप संपुष्टात येत नाही असा महत्वपूर्ण निर्णय मंगळवारी सर्वोच्च न्यायालयाने दिला आहे.

Reported By pooja pawar Written By pooja pawar
Published: Nov 13, 2026, 07:37 IST | Updated: Nov 13, 2026, 07:55 IST
Image Credit: परदेशात घटस्फोट मिळाला म्हणजे भारतातील लग्न संपत नाही; सर्वोच्च न्यायालयाचा दुसरं लग्न करणाऱ्या पतीला दणका
Join

Divorce News : सर्वोच्च न्यायालयाने परदेशातील घटस्फोटाविषयी एक महत्वाचा निर्णय दिला आहे. एका खटल्यावर निर्णय देताना सर्वोच्च न्यायालयाने सांगितलं की परदेशातील न्यायालयाने घटस्फोट मंजूर केला म्हणून भारतात झालेले लग्न आपोआप संपुष्टात येत नाही. भारतात हिंदू विवाह कायद्यानुसार झालेल्या लग्नासाठी परदेशी न्यायालयाने दिलेला घटस्फोटाचा आदेश भारतीय कायद्यानुसार वैध ठरणे आवश्यक आहे. विशेषतः विवाहाचे नाते पूर्णपणे संपुष्टात आल्याच्या कारणावरून परदेशात मिळालेला घटस्फोट भारतात आपोआप मान्य होऊ शकत नाही, असे न्यायालयाने स्पष्ट केले आहे.

कोणी दिला निर्णय?

न्यायमूर्ती प्रशांत कुमार मिश्रा आणि न्यायमूर्ती श्री चंद्रशेखर यांच्या खंडपीठाने मंगळवारी हा निर्णय दिला. पहिल्या पत्नीशी घटस्फोट न घेता दुसरे लग्न केल्याच्या आरोपावरून सुरू असलेली फौजदारी कारवाई रद्द करण्याची मागणी करणाऱ्या पतीची याचिका न्यायालयाने फेटाळली.

हेही वाचा : विराट कोहलीने पकडली फॅन्सची हुशारी, ऑटोग्राफ देण्यास दिला नकार, नेमकं काय झालं? Video व्हायरल

परदेशातील घटस्फोटाचा आदेश भारतात कधी मान्य होतो?

परदेशातील न्यायालयाने दिलेला घटस्फोटाचा आदेश भारतात मान्य होण्यासाठी दिवाणी प्रक्रिया संहितेच्या कलम 13 मधील सर्व अटी पूर्ण करणे बंधनकारक असल्याचे सर्वोच्च न्यायालयाने स्पष्ट केले आहे. परदेशी न्यायालयाचा निर्णय भारतीय कायद्याशी विसंगत असल्यास किंवा येथील कायद्यात मान्यता नसलेल्या कारणावर आधारित असल्यास तो भारतात अमलात आणता येणार नाही, असे न्यायालयाने नमूद केले आहे.या प्रकरणातील संबंधित व्यक्तीचे पहिले लग्न 18 एप्रिल 2003 रोजी आंध्र प्रदेशातील सत्तेनपल्ली येथे हिंदू रीतिरिवाजांनुसार झाले होते. त्यानंतर हे दाम्पत्य हैदराबादमध्ये राहत होते. पती उस्मानिया मेडिकल कॉलेजमध्ये पदव्युत्तर शिक्षण घेत होता. 4 फेब्रुवारी 2005 रोजी तो वैद्यकीय क्षेत्रात करिअर करण्यासाठी ब्रिटनला गेला. त्यानंतर पत्नीही त्याच्याकडे गेली. ऑगस्ट 2007 मध्ये बाळंतपणासाठी ती आंध्र प्रदेशातील माहेरी परतली. मात्र, वारंवार विनंती करूनही पत्नी ब्रिटनला परतली नाही, असा दावा पतीने केला.

दोघांमधील वैवाहिक संबंध बिघडल्यानंतर पतीने गुंटूर जिल्ह्यातील नरसारावपेट येथील न्यायालयात घटस्फोट आणि मुलाच्या ताब्यासाठी याचिका दाखल केली. मात्र या याचिका फेटाळण्यात आल्या. त्यानंतर त्याने आंध्र प्रदेश उच्च न्यायालयात अपील केले, पण नंतर ते मागे घेतले गेले.

Add Zee News as a Preferred Source
TAGS:

About the Author

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.  पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES