सोन्याच्या दरात मोठी घसरण,1.76 लाखांवरून भाव 1.40 लाखांच्या खाली; तीव्र पडझडीमागची 5 प्रमुख कारणे!

सोन्याच्या दरात जानेवारीतील उच्चांकापासून 20 टक्क्यांपर्यंत घसरण झाली आहे. धनत्रयोदशीला सोने खरेदी करावे का? दर घसरण्याची कारणे आणि तज्ज्ञांचा गुंतवणूक सल्ला जाणून घेऊया.

Reported ByPravin Dabholkar

Published: Nov 02, 2026, 08:54 PM IST|Updated: Nov 02, 2026, 09:02 PM IST

join share

सोन्याच्या दरात मोठी घसरण,1.76 लाखांवरून भाव 1.40 लाखांच्या खाली; तीव्र पडझडीमागची 5 प्रमुख कारणे!

Image Credit: सोने घसरणीमागची 5 कारणे

सोन्याच्या दराने यंदा जानेवारीमध्ये ऐतिहासिक उच्चांक गाठल्यानंतर आता मोठी घसरण नोंदवली आहे. जानेवारीअखेरीस 10 ग्रॅमसाठी सुमारे 1.76 लाख रुपयांपर्यंत पोहोचलेले सोने ऑक्टोबरमध्ये 1.40 लाख रुपयांच्या आसपास आले. या घसरणीमुळे धनत्रयोदशी आणि दिवाळीच्या खरेदीसाठी ग्राहकांना दिलासा मिळण्याची शक्यता आहे. सोन्याचे दर घसरण्याची प्रमुख 5 कारणे जाणून घेऊया.

जानेवारीतील उच्चांकापासून सोन्याची मोठी घसरण

मल्टी कमोडिटी एक्स्चेंज अर्थात एमसीएक्सवरील सोन्याने 29 जानेवारी 2026 रोजी प्रति 10 ग्रॅम सुमारे 1 लाख 75 हजार 231 रुपयांचा विक्रमी दर नोंदवला होता. त्यानंतर बाजारात चढ-उतार सुरू झाले. ऑक्टोबरमध्ये सोन्याचा दर 1 लाख 41 हजार 31 रुपयांपर्यंत खाली आला होता. म्हणजेच जानेवारीतील उच्चांकाच्या तुलनेत जवळपास 19 ते 20 टक्क्यांची घसरण झाली.

सोन्याचे दर घसरण्यामागे पाच प्रमुख कारणे

इंडिया बुलियन अँड ज्वेलर्स असोसिएशनचे अध्यक्ष पृथ्वीराज कोठारी यांच्या मते, सोन्याच्या किमतीत घट होण्यामागे अनेक कारणे आहेत. त्यापैकी पाच प्रमुख कारणे अमेरिकेतील व्याजदरांत झालेली वाढ, अमेरिकन सरकारी रोख्यांवरील परताव्यात झालेली वाढ, मध्यवर्ती बँकांकडून सोन्याच्या खरेदीत झालेली घट, कच्च्या तेलाच्या किमतीत झालेली वाढ आणि गुंतवणूकदारांकडून नफावसुली.

आयात शुल्क वाढूनही सोने स्वस्त कसे?

मे महिन्यात सोन्यावरील आयात शुल्क 6 टक्क्यांवरून 15 टक्के करण्यात आले होते. सामान्यतः आयात शुल्क वाढल्यास देशांतर्गत सोन्याचे दर वाढण्याची शक्यता असते. असे असले तरी आंतरराष्ट्रीय बाजारातील घसरणीचा परिणाम अधिक ठरल्याने आयात शुल्क वाढूनही सोन्याचे दर जानेवारीतील उच्चांकापेक्षा बरेच खाली आले आहेत.

धनत्रयोदशीला खरेदी करावी की आणखी थांबावे?

धनत्रयोदशी, दिवाळी आणि लग्नसराईच्या काळात महाराष्ट्रात सोन्याच्या दागिन्यांना मोठी मागणी असते. दर घसरल्याने दागिने किंवा नाणी घेण्याची योजना आखणाऱ्या ग्राहकांना काही प्रमाणात दिलासा मिळू शकतो. मात्र, बाजारातील अस्थिरता लक्षात घेता तज्ज्ञ एकाच वेळी संपूर्ण रक्कम गुंतवण्याऐवजी ती चार ते सहा भागांत विभागून पुढील तीन ते सहा महिन्यांत टप्प्याटप्प्याने खरेदी करण्याचा सल्ला गुंतवणूक सल्लागार देतात.

सोन्याचे दर पुन्हा विक्रमी पातळीवर जाणार?

तज्ज्ञांच्या मते, सोन्याचे दर लगेच जानेवारीतील उच्चांकावर पोहोचण्याची शक्यता कमी आहे. अमेरिकेतील व्याजदरवाढीचे चक्र थांबणे आणि जागतिक आर्थिक परिस्थिती सोन्यासाठी अनुकूल होणे आवश्यक आहे. काही तज्ज्ञांच्या अंदाजानुसार, जुन्या उच्चांकाकडे परतण्यासाठी 2027-28 पर्यंत प्रतीक्षा करावी लागू शकते. गुंतवणूक पोर्टफोलिओमध्ये सोन्याचे प्रमाण व्यक्तीच्या जोखीम क्षमतेनुसार ठरवावे.

Add Zee News as a Preferred Source

TAGS:

Gold Price

Silver Price

About the Author

Pravin Dabholkar

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.