'गेल्या 12 वर्षांच्या नुकसानीची भरपाई...', 2004 साली पंतप्रधानपद..'; सोनिया गांधींचा गौप्यस्फोट

सोनिया गांधी यांच्या बिलॉंगिंग- अ जर्नी ऑफ लव्ह या आत्मचरित्राचे 10 नोव्हेंबर 2026 रोजी प्रकाशन होणार आहे. दरम्यान सोनिया गांधींनी भाजप, आरएसएसवर टिका केलीय.

Reported ByPravin Dabholkar

Published: Nov 07, 2026, 02:34 PM IST|Updated: Nov 07, 2026, 02:47 PM IST

join share

'गेल्या 12 वर्षांच्या नुकसानीची भरपाई...', 2004 साली पंतप्रधानपद..'; सोनिया गांधींचा गौप्यस्फोट

Image Credit: सोनिया गांधी

सोनिया गांधींनी भाजप-आरएसएसवर जोरदार हल्लाबोल केलाय. गेल्या 12 वर्षांत देशाच्या लोकशाहीचे मोठे नुकसान झाल्याचा आरोप त्यांनी केला. एका वृत्तपत्राला दिलेल्या मुलाखतीत सोनिया गांधींनी हे आरोप केले. गेल्या 12 वर्षांत देशाची लोकशाही, घटनात्मक संस्था आणि सामाजिक सलोख्याला मोठा फटका बसल्याचे वक्तव्य सोनिया गांधी यांनी केले. सध्याचे सरकार सत्तेतून गेल्यानंतरही देशाची व्यवस्था पूर्वपदावर आणण्यासाठी मोठे प्रयत्न करावे लागतील, असेही त्या म्हणाल्या.

काय घडलंय नेमकं?

देशातील लोकशाही आणि धर्मनिरपेक्ष मूल्यांचे रक्षण करणे ही मोठी जबाबदारी असल्याचे मत सोनिया गांधींनी व्यक्त केले. 2004 मध्ये पंतप्रधानपद स्वीकारले नाही, या निर्णयाबद्दल आजही कोणतीही खंत नसल्याचे त्यांनी स्पष्ट केले. आत्मचरित्राच्या प्रकाशनापूर्वी एका वृत्तपत्राला दिलेल्या विशेष मुलाखतीत सोनिया गांधी यांनी राजकीय आणि वैयक्तिक आयुष्याविषयी भूमिका मांडली.

देशाची व्यवस्था पूर्वपदावर आणण्याचे आव्हान

काँग्रेसच्या ज्येष्ठ नेत्या सोनिया गांधी यांनी केंद्रातील भाजप सरकारवर जोरदार टीका केली आहे. गेल्या 12 वर्षांत देशाच्या लोकशाहीचे, घटनात्मक संस्थांचे आणि सामाजिक रचनेचे मोठे नुकसान झाल्याचा आरोप त्यांनी केला आहे. आपल्या आगामी आत्मचरित्राच्या प्रकाशनापूर्वी एका वृत्तपत्राला दिलेल्या विशेष मुलाखतीत त्यांनी देशातील राजकीय परिस्थितीवर परखड भाष्य केले.सरकार बदलल्यानंतरही देशाची व्यवस्था पूर्वपदावर आणण्याचे आव्हान असेल, असेही त्यांनी सांगितले.

नुकसानीची भरपाई कठीण

गेल्या 12 वर्षांत झालेल्या नुकसानीची भरपाई करणे सोपे नसेल. सध्याचे सरकार सत्तेतून गेल्यानंतरही देशातील लोकशाही संस्था आणि व्यवस्था पुन्हा सुदृढ करण्यासाठी वेळ लागेल. त्यासाठी मोठे प्रयत्न करावे लागतील, असे सोनिया गांधी यांनी म्हटले आहे.

भाजप-आरएसएसच्या विचारसरणीवर टीका

भाजप आणि आरएसएसच्या विचारसरणीशी काँग्रेसने कधीही तडजोड केलेली नाही आणि भविष्यातही करणार नाही, अशी स्पष्ट भूमिका सोनिया गांधी यांनी मांडली. देशातील धर्मनिरपेक्षता, लोकशाही आणि सामाजिक सलोखा टिकवणे आवश्यक असल्याचे त्यांनी अधोरेखित केले.

2004 मध्ये पंतप्रधानपद नाकारण्याच्या निर्णयावर ठाम

2004 मध्ये यूपीएला सत्ता मिळाल्यानंतर पंतप्रधानपद स्वीकारण्याची संधी होती. मात्र, आपण तो निर्णय घेतला नाही. त्या निर्णयाबद्दल आजही कोणतीही खंत नसल्याचे सोनिया गांधी यांनी स्पष्ट केले.

आणीबाणीच्या काळाचाही उल्लेख

1975 ते 1977 या आणीबाणीच्या काळाबाबतही सोनिया गांधींनी भाष्य केले. स्वतंत्र भारताच्या इतिहासातील हा महत्त्वाचा आणि वादग्रस्त कालखंड असल्याचे त्यांनी नमूद केले.

प्रेमकहाणीपासून भारताशी जडलेल्या नात्यापर्यंतचा प्रवास

सोनिया गांधी यांच्या बिलॉंगिंग- अ जर्नी ऑफ लव्ह या आत्मचरित्राचे 10 नोव्हेंबर 2026 रोजी प्रकाशन होणार आहे. इटलीतील बालपण, राजीव गांधी यांच्याशी झालेली प्रेमकहाणी, भारतात आगमन, गांधी कुटुंबाशी जुळलेले नाते आणि भारतीय राजकारणातील प्रवास यांचा वेध या पुस्तकात घेण्यात आला आहे.
विशेष म्हणजे, या मुलाखतीत सोनिया गांधी यांनी केवळ राजकीय परिस्थितीवरच नव्हे, तर भारताशी निर्माण झालेल्या भावनिक नात्यावरही भाष्य केले आहे. त्यामुळे हे पुस्तक प्रकाशित झाल्यानंतर देशाच्या राजकारणात कशी खळबळ होईल? हे पाहणे महत्वाचे ठरणार आहे.

Add Zee News as a Preferred Source

TAGS:

Sonia Gandhi

PM Narendra Modi

Indian Politics

About the Author

Pravin Dabholkar

प्रविण दाभोळकर हे झी 24 तास डिजिटलमध्ये चीफ सब एडिटर म्हणून कार्यरत असून मीडिया क्षेत्रातील 16 वर्षांहून अधिक अनुभव असलेले पत्रकार आहेत. शिक्षण, करिअर, रोजगार, सरकारी योजना, गुंतवणूक, अर्थकारण, सार्वजनिक धोरणे आणि राजकीय घडामोडी यांसारख्या विषयांवर त्यांचे विशेष प्रभुत्व आहे. वाचक-केंद्रित पत्रकारिता, तथ्याधारित माहिती आणि सोप्या, स्पष्ट भाषेत गुंतागुंतीचे विषय समजावून सांगणे हे त्यांच्या लेखनाचे प्रमुख वैशिष्ट्य आहे.करियरची सुरुवातवयाच्या 21 व्या वर्षी त्यांनी प्रिंट मीडियातून पत्रकारितेच्या क्षेत्रात प्रवेश केला. कारकिर्दीच्या सुरुवातीच्या काळात त्यांनी वृत्तसंकलन, रिपोर्टिंग आणि लेखन यामध्ये महत्त्वाचा अनुभव मिळवला. त्यानंतर प्रिंट, टेलिव्हिजन आणि डिजिटल मीडिया या तिन्ही माध्यमांमध्ये विविध जबाबदाऱ्या सांभाळत त्यांनी पत्रकारितेचा व्यापक अनुभव संपादन केला. बदलत्या मीडिया विश्वाशी जुळवून घेत त्यांनी डिजिटल पत्रकारितेमध्ये स्वतःची वेगळी ओळख निर्माण केली आहे.शैक्षणिक पार्श्वभूमीशैक्षणिकदृष्ट्या त्यांनी मुंबईतील एम.डी. महाविद्यालयातून पदवी शिक्षण पूर्ण केले. त्यानंतर मुंबई विद्यापीठातून समाजशास्त्र (Masters in Sociology) विषयात पदव्युत्तर शिक्षण घेतले. पुढे साठ्ये महाविद्यालयातून मराठी पत्रकारितेमध्ये मास्टर्स ऑफ कम्युनिकेशन अँड जर्नालिझम ही पदवी संपादन केली. या शैक्षणिक पार्श्वभूमीमुळे सामाजिक प्रश्नांची सखोल समज, वस्तुनिष्ठ विश्लेषण आणि जबाबदार पत्रकारिता यांचा मजबूत पाया त्यांना लाभला आहे.लेखन शैली आणि दृष्टीकोनसंशोधनात्मक लेखन, सखोल विश्लेषण आणि फीचर स्टोरीज याकडे त्यांचा विशेष कल आहे. सामान्य वाचकांपर्यंत महत्त्वाच्या पण दुर्लक्षित राहिलेल्या कथा पोहोचवणे, गुंतागुंतीच्या विषयांचे सोप्या भाषेत विश्लेषण करणे आणि अचूक माहिती सादर करणे यासाठी ते ओळखले जातात. त्यांच्या लेखनात तथ्यांची पडताळणी, संदर्भांची अचूकता आणि वाचकांसाठी उपयुक्त माहिती यांना नेहमीच प्राधान्य दिले जाते.व्हिडीओ कंटेटझी 24 तास सोशल मीडियासाठी ते फिटनेस, सरकारी योजना, तसेच इतर महत्वाच्या बातम्यांसाठी व्हिडीओ बनवतात. यातून लेखनासोबतच व्हिडीओच्या माध्यमातून पोहोचण्यास मदत होते.विशेष ज्ञानाची क्षेत्रेह्यूमन इंटरेस्ट स्टोरीज, शिक्षण, करिअर मार्गदर्शन, रोजगार, सरकारी योजना, सामाजिक प्रश्न, गुंतवणूक आणि सार्वजनिक हिताच्या विषयांवरील लेखन हे त्यांचे विशेष अभ्यासाचे क्षेत्र आहे. वाचकांना केवळ बातमी नव्हे, तर त्या बातमीचा परिणाम, पार्श्वभूमी आणि उपयोग समजून देण्यावर त्यांचा भर असतो.