SOCIAL MEDIA

Newsletter

PARTNER SITES
Select Language Select State

हार्दिक पांड्या असणार पंजाब किंग्सचा नवा कर्णधार? PBKS ने स्वतः पोस्ट करून संपवला सस्पेंस

Hardik Pandya Punjab Kings : हार्दिक पांड्या हा मुंबई इंडियन्समधून ट्रेड होऊन आयपीएल 2027 पूर्वी पंजाब किंग्समध्ये सामील झालेला आहे. मात्र तेथे कर्णधार असलेल्या श्रेयस अय्यरला डावलून हार्दिकला पंजाब संघाचं नेतृत्व देण्यात येणार का? असा प्रश्न उपस्थित केला जात होता, मात्र आता स्वतः पंजाब किंग्सने याबाबत खुलासा केला आहे.

Reported By pooja pawar Written By pooja pawar
Published: Nov 11, 2026, 12:47 IST | Updated: Nov 11, 2026, 13:37 IST
Image Credit: हार्दिक पांड्या असणार पंजाब किंग्सचा नवा कर्णधार? PBKS ने स्वतः पोस्ट करून संपवला सस्पेंस
Join

Hardik Pandya Punjab Kings : आयपीएल 2027 पूर्वी ज्या ट्रेडची चर्चा होती त्या ट्रेडवर बुधवार 11 नोव्हेंबर रोजी अखेर शिक्कामोर्तब झालेला आहे. मुंबई इंडियन्सचा कर्णधार राहिलेला हार्दिक पांड्या याला पंजाब किंग्सकडे ट्रेड करण्यात आलं असून त्याबदल्यात पंजाब किंग्सचा स्टार गोलंदाज अर्शदीप सिंह हा मुंबई इंडियन्सच्या ताफ्यात सामील झालेला आहे. हार्दिक पांड्या 18 कोटींना पंजाब किंग्समध्ये सामील झाला तर अर्शदीप सिंह सुद्धा 18 कोटींच्या करारावर मुंबईमध्ये सामील झाला होता. हार्दिक पांड्या जेव्हा 2024 मध्ये गुजरात टायटन्समधून मुंबई संघात ट्रेड झाला तेव्हा त्याला लागलीच कर्णधारपद देण्यात आलं. त्यानंतर तीन वर्ष तो मुंबईचा कर्णधार होता. मात्र त्याच्या नेतृत्वात संघ चांगली कामगिरी करू शकला नाही. आयपीएल 2027 पूर्वी हार्दिक जेव्हा इतर संघांमध्ये जाण्याची संधी शोधात होता तेव्हा तिकडे सुद्धा त्याला कर्णधारपद मिळावे अशी त्याची मागणी असल्याचं मीडिया रिपोर्ट्समधून समोर आलेलं. मात्र मागच्या दोन वर्षात श्रेयस अय्यरच्या नेतृत्वात पंजाब किंग्स चांगली कामगिरी करत असताना आता हार्दिक पंजाब किंग्समध्ये सामील झाल्यावर संघाचं नेतृत्व नक्की कोण करणार याबाबत प्रश्न विचारला जात होता. मात्र पंजाब किंग्सने स्वतः आपल्या सोशल मीडियावर एक पोस्ट करून सर्व शंका मिटवल्या आहेत. 

पंजाब किंग्सच्या पोस्टमध्ये काय?

पंजाब किंग्सने हार्दिक पांड्याचं स्वागत करत असताना त्यांच्या सोशल मीडियावर एक पोस्ट शेअर केली. या पोस्टमध्ये हार्दिकचा फोटो शेअर करण्यात आला होता त्याखाली कॅप्शन देण्यात आले की, 'सत श्री अकाल. माझा कर्णधार श्रेयस, माझा कोच रिकी, माझा संघ संपूर्ण पंजाब. मी तुमच्या पाठशीही उभा आहे'. यात स्पष्टपणे श्रेयस अय्यर हा कर्णधार असल्याचं लिहिण्यात आलं आहे. त्यामुळे आगामी आयपीएल 2027 सीजनमध्ये हार्दिक पांड्या कर्णधार म्हणून नाही तर खेळाडू म्हणून पंजाब किंग्सचा भाग असणार हे स्पष्ट झालं आहे. 

हेही वाचा : चौथ्या वनडे सामन्यात भारताची प्लेईंग 11 पूर्णपणे बदलणार, शुभमन गिल आणि केएल राहुल होणार बाहेर
 

हार्दिक पांड्याला कोट्यवधींचा फायदा :

अर्शदीप सिंह याला मागील ऑक्शनमध्ये पंजाब किंग्सने 18  कोटींच्या करारावरच घेतलं होतं. यंदा मुंबई इंडियन्सकडे ट्रेड होताना तो त्याच प्राईज मनीवर ट्रेड झालेला आहे. मात्र हार्दिक पांड्याला आयपीएल 2026 मध्ये 16.35 कोटी रुपयांच्या मानधनावर रिटेन करण्यात आलेलं. तर आता पंजाब किंग्सकडे ट्रेड होताना हार्दिक पांड्या 18 कोटी रुपयांच्या मानधनावर पंजाब किंग्समध्ये सामील झालेला आहे.  

Add Zee News as a Preferred Source
TAGS:

About the Author

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.  पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES