SOCIAL MEDIA

Newsletter

PARTNER SITES
Select Language Select State

W, W, W पहिल्याच ओव्हरमध्ये रोहित, विराट, श्रेयस भोपळाही न फोडता तंबूत; न्यूझीलंडविरुद्ध स्कोअर 2-3

IND VS NZ 4th ODI : भारत विरुद्ध न्यूझीलंड चौथ्या वनडे सामन्यात भारताला विजयासाठी 334 धावांचे आव्हान असताना भारताची टॉप ऑर्डर शुन्य धावांवर बाद झाली. विराट, रोहित आणि श्रेयस हे फलंदाज भोपळा सुद्धा फोडू शकले नाहीत.

Reported By pooja pawar Written By pooja pawar
Published: Nov 13, 2026, 12:55 IST | Updated: Nov 13, 2026, 13:19 IST
Image Credit: W, W, W पहिल्याच ओव्हरमध्ये रोहित, विराट, श्रेयस भोपळाही न फोडता तंबूत; न्यूझीलंडविरुद्ध स्कोअर 2-3
Join

IND VS NZ 4th ODI : भारत विरुद्ध न्यूझीलंड यांच्यात 5 सामन्यांची वनडे सीरिज खेळवली जात आहे. यातील चौथा सामना 13 नोव्हेंबर रोजी माउंट माउंगानुईच्या बे ओवल मैदानावर होत असून यात प्रथम टॉस जिंकून टीम इंडियाने गोलंदाजी निवडली होती. न्यूझीलंडने प्रथम फलंदाजी करून 333 धावा केल्या. तर भारताने त्यांच्या 10 विकेट्स घेतल्या. चौथ्या सामन्यात भारताला विजयासाठी 334 धावांचे आव्हान मिळाले. मात्र यावेळी दिग्गजांचा समावेश असलेली भारताची टॉप ऑर्डर शुन्य धावा करून परतली. रोहित, विराट, श्रेयस यांना भोपळा सुद्धा फोडता आला नाही. न्यूझीलंड विरुद्ध भारताचा स्कोअर 2 धावांवर 3 विकेट असा होता. 

भारताला मिळालं 334 धावांचे टार्गेट :

टीम इंडियाचा कर्णधार श्रेयस अय्यरने प्रथम टॉस जिंकून गोलंदाजी निवडली. यावेळी न्यूझीलंडकडून प्रथम फलंदाजी करताना विल याँगने सर्वाधिक 125 धावा केल्या. टिम सायफर्टने 58 तर फिन ॲलन 41 धावा केल्या. भारतीय संघाने न्यूझीलंडच्या 10 विकेट्स घेतल्या. यात औकिब नबी, गुरनूर बरार आणि अक्षर पटेल यांनी सर्वाधिक 2 विकेट तर अर्शदीप सिंह आणि नमन धीर या दोघांनी प्रत्येकी 1 विकेट घेतली. न्यूझीलंडने भारताला विजयासाठी 334 धावांचे आव्हान दिले.

रोहित, विराट, श्रेयस भोपळाही न फोडता तंबूत :

 

चौथ्या सामन्यात भारताला विजयासाठी 334 धावांचं आव्हान मिळालं असताना हे आव्हान दिग्गज फलंदाजांची फळी असलेल्या टीम इंडियासमोर फार मोठं वाटत नव्हतं. मात्र जेव्हा फलंदाजीला सुरुवात झाली तेव्हा न्यूझीलंडचा गोलंदाज मॅट हेनरीने पहिल्याच ओव्हरला थेट तीन भारतीय दिग्गज फलंदाजांना माघारी धाडलं. आधी रोहित शर्मा नंतर विराट कोहली आणि मग कर्णधार श्रेयस अय्यर हे तिघे भोपळा देखील न फोडता पॅव्हेलियनमध्ये परतले. भारताची मजबूत टॉप ऑर्डर अशा प्रकारे माघारी गेल्याने टीम इंडिया टेन्शनमध्ये आली. त्यानंतर काहीकाळ ऋतुराज गायकवाड आणि अक्षर पटेल यांनी खेळ सांभाळून घेण्याचा प्रयत्न केला मात्र न्यूझीलंडच्या गोलंदाजांसमोर फारकाळ त्यांचा टिकाव लागला नाही. अक्षर पटेल जेव्हा बाद झाला तेव्हा भारताचा स्कोअर 53 धावांवर 5 विकेट एवढा होता. 

Add Zee News as a Preferred Source
TAGS:

About the Author

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.  पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES