संघात कायम ठेवण्यासाठी 40 कोटी द्या! टीम इंडियाच्या खेळाडूंची IPL संघांकडे मागणी
IPL 2027 Team Retention : आयपीएल फ्रेंचायझींना त्यांच्या खेळाडूंच्या रिटेन्शनसाठी 17 नोव्हेंबरपर्यंत अंतिम तारीख देण्यात आलेली आहे. मात्र त्यापूर्वी समोर आलेल्या मीडिया रिपोर्ट्सनुसार काही भारतीय खेळाडूंनी संघात कायम राहण्यासाठी आपली किंमत 40 कोटींपर्यंत निश्चित केली आहे.
IPL 2027 Team Retention : इंडियन प्रीमियर लीग ही जगातील सर्वात मोठी आणि श्रीमंत टी20 लीगपैकी एक आहे. बीसीसीआयने सर्व फ्रेंचायझींना 17 नोव्हेंबर पर्यंत त्यांच्या रिटेन आणि रिलीज खेळाडूंची लिस्ट जाहीर करण्यास सांगितलं आहे. मीडिया रिपोर्ट्सनुसार टीम इंडियातील काही खेळाडूंनी स्वतःला रिटेन करण्यासाठी आपल्या संघाकडे जास्त पैसे मागितले आहेत. ही रक्कम इतकी जास्त आहे की फ्रेंचायझींना खेळाडूंना रिटेन करणं कठीण आहे. रिपोर्ट्सनुसार काही भारतीय खेळाडूंनी संघात कायम राहण्यासाठी आपली किंमत 40 कोटी रुपयांपर्यंत निश्चित केली आहे.
संघात कायम राहण्यासाठी 40 कोटी रुपये :
क्रिकेबझच्या रिपोर्ट्सनुसार आयपीएलमधील काही टॉप खेळाडूंनी आपल्याला संघात कायम ठेवण्यासाठी रिटेन्शन फी म्हणून तब्बल 40 कोटी रुपयांची मागणी केली आहे. सांगितलं जातंय की काही खेळाडूंनी त्यांच्या आयपीएल फ्रेंचायझींना सांगितलं आहे की ते संघात तेव्हाच कायम राहतील जेव्हा त्यांना 40 कोटी रुपयांपर्यंत रिटेन्शन फी दिली जाईल. भारतीय संघातील जवळपास सर्व संघ हे अशाच प्रकारची डिमांड करू शकतात. अन्यथा ऑक्शनमध्ये सहभाग घेऊन त्यांना मोठे कॉन्ट्रॅक्ट मिळू शकतात.
खेळाडू रिटेन्शनमधून बाहेर पडून ऑक्शनमध्ये येण्याची तयारी दाखवण्यामागे ऋषभ पंत आणि श्रेयस अय्यर सारखे खेळाडू आहेत. श्रेयस अय्यर आणि ऋषभ पंत हे दोघेही आयपीएल 2025 पूर्वी झालेल्या ऑक्शनमध्ये उतरले होते. यावेळी श्रेयस अय्यरला 26.75 कोटी रुपयांची बोली मिळाली, तर ऋषभ पंतला 27 कोटी रुपयांची बोली लागली होती. विशेष म्हणजे 2028 च्या आयपीएल सिजनपूर्वी आणखी एक मेगा ऑक्शन होणार आहे. ज्यावेळी संघांचे ऑक्शनसाठीचे बजेट 150 कोटी रुपयांपर्यंत वाढू शकते. मात्र तोपर्यंत संघांना खेळाडूंना कायम ठेवण्यासाठी रिटेन्शन फी म्हणून 40 कोटी रुपयांपर्यंतची रक्कम मोजावी लागू शकते. जर अशी परिस्थिती निर्माण झाली तर फ्रँचायझींसमोर कठीण आव्हान उभे राहू शकते.
पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
