वैभव सूर्यवंशीचं नशीब फळफळलं! दुसऱ्या सामन्यात मिळू शकते प्लेईंग 11 मध्ये संधी, ईशान किशन पडला बाहेर

IND VS NZ T20 : भारत विरुद्ध न्यूझीलंड यांच्यात शनिवार 24 ऑक्टोबर रोजी हेगले ओव्हल स्टेडियममध्ये पाच सामन्यांच्या सीरिजमधील दुसरा सामना खेळवला जाणार आहे. मात्र या सामन्यापूर्वी टीम इंडियाला मोठा धक्का बसला असून विकेटकिपर फलंदाज ईशान किशन हा दुखापतीमुळे दुसरा सामना खेळणार नाही. पहिल्या सामन्यात ईशानला दुखापत झालेली, त्याच्या तब्येतीवर बीसीसीआय लक्ष ठेऊन आहे अशी माहिती अधिकृत सोशल मीडिया अकाऊंटवरून देण्यात आली. मात्र ईशानच्या अनुपस्थितीमुळे वैभव सूर्यवंशीचं नशीब फळफळण्याची शक्यता असून त्याला दुसऱ्या सामन्यात प्लेईंग 11 मधून खेळण्याची संधी मिळू शकते.

बीसीसीआयने दिली माहिती :

बीसीसीआयने आपलं निवेदन जाहीर करत सांगितलं की, 'भारतीय विकेटकिपर फलंदाज ईशान किशन न्यूझीलंडविरुद्धच्या दुसऱ्या टी20 आंतरराष्ट्रीय सामन्यातून बाहेर झाला आहे. पहिल्या टी20 सामन्यादरम्यान त्याच्या उजव्या पायाच्या स्नायूंवर ताण आला होता. इशानला उजव्या 'ॲडक्टर' स्नायूमध्ये किरकोळ दुखापत झाली आहे. बीसीसीआयची वैद्यकीय टीम त्याच्या दुखापतीवर लक्ष ठेवून आहे आणि त्याच्या प्रकृतीत सुधारणा व्हावी यासाठी देखरेख करत आहे'.

हेही वाचा : स्टेडियममध्ये येऊन सामना पाहण्यासाठी थेट बहिणीचा फोन विकला, पोस्टर व्हायरल

वैभव सूर्यवंशीला मिळणार संधी?

ईशान किशन दुखापतग्रस्त असल्याने त्याच्या जागी 15 वर्षीय वैभव सूर्यवंशीला प्लेईंग 11 मध्ये जागा मिळवण्याची शक्यता आहे. टीम इंडियाचा फलंदाजी कोच सितांशू कोटकने सुद्धा ईशान किशनच्या दुखापतीबाबत माहिती देताना सांगितलं की पहिल्या टी20 सामन्यात तो पाचव्या क्रमांकावर फलंदाजीसाठी आला हे सुद्धा त्याच्या दुखापतीमुळेच झालं होतं. एका पत्रकार परिषदेत सितांशु कोटक म्हणाले, 'याबाबत अनेक तर्कवितर्क लावले जात असल्याचं माझ्याही निदर्शनास आलं आहे. ईशानच्या मांडीच्या स्नायूंमध्ये ताण आला होता, म्हणूनच फलंदाजीच्या क्रमात बदल करण्यात आला होता. उद्याच्या सामन्यातही तो खेळण्याची शक्यता कमीच आहे. जर ईशान खेळला नाही, तर त्याच्या जागी खेळण्यासाठी वैभव हा नक्कीच एक प्रबळ दावेदार आहे'.

ईशान किशनच्या दुखापतीमुळे वैभव सूर्यवंशीचे संघात स्थान मिळवण्याच्या शक्यता वाढल्या आहेत. अभिषेक शर्मा आणि संजू सॅमसन हे नियमित ओपनिंग करतील. टीम मॅनेजमेंट त्यांच्या कामगिरीवर समाधानी आहे. जर वैभवला प्लेईंग 11 मध्ये स्थान मिळाले तर संजू सॅमसन तिसऱ्या क्रमांकावर फलंदाजी करताना दिसू शकतो.

Ishan Kishan is ruled out of the second T20I against New Zealand due to a low grade right adductor strain, which he sustained during the first T20I of the series. The BCCI Medical Team is monitoring his progress. TeamIndia | NZvIND https://t.co/QbZpuVh1hQ

BCCI (BCCI) October 23, 2026

न्यूझीलंड सीरिजसाठी भारतीय संघ :

श्रेयस अय्यर (कर्णधार), अभिषेक शर्मा, संजू सॅमसन (विकेटकिपर), वैभव सूर्यवंशी, इशान किशन (विकेटकिपर), टिळक वर्मा (उपकर्णधार कर्णधार), अक्षर पटेल, शिवम दुबे, नितीश कुमार रेड्डी, नमन धीर, प्रिन्स यादव, मयंक यादव, अर्शदीप सिंग, भुवनेश्वर कुमार, वरूण कुमार, वरूण कुमार, अभिषेक शर्मा.