SOCIAL MEDIA

Newsletter

PARTNER SITES
Select Language Select State

मोहम्मद शमीला रिलीज करणार लखनऊ? राजस्थानकडून मिळणार स्टार ऑलराऊंडर

IPL 2027 : लखनऊ सुपर जाएंट्सचा वेगवान गोलंदाज मोहम्मद शमी आणि राजस्थान रॉयल्सचा इंग्लंडचा ऑलराऊंडर सॅम करनच्या या दोन खेळाडूंसाठी दोन फ्रेंचायझींमध्ये ट्रेड होणार अशी चर्चा जोर धरू लागली आहे.

Reported By pooja pawar Written By pooja pawar
Published: Nov 14, 2026, 03:04 PM IST | Updated: Nov 14, 2026, 03:31 PM IST
Image Credit: मोहम्मद शमीला रिलीज करणार लखनऊ? राजस्थानकडून मिळणार स्टार ऑलराऊंडर
Join

Mohammad Shami : आयपीएल 2027 साठी बीसीसीआयने सर्व फ्रेंचायझींना त्यांच्या रिटेन आणि रिलीज खेळाडूंची घोषणा करण्यासाठी 17 नोव्हेंबर ही तारीख दिली आहे. तसेच अजून आयपीएल ऑक्शनपूर्वी ट्रेड विंडो सुद्धा खुली असून अनेक खेळाडूंच्या ट्रेड संदर्भात काही चर्चा सुरु आहेत. मीडिया रिपोर्ट्सनुसार राजस्थान रॉयल्स आणि लखनऊ सुपर जाएंट्स यांच्यात मल्टीप्लेअर डील होण्याची शक्यता आहे. यात लखनऊ सुपर जाएंट्सचा वेगवान गोलंदाज मोहम्मद शमी आणि राजस्थान रॉयल्सचा इंग्लंडचा ऑलराऊंडर सॅम करनच्या नावाचा सुद्धा समावेश आहे. लखनऊ सुपर जाएंट्सचा स्पिनर मणिमारन सिद्धार्थ याला सुद्धा या या ट्रेडचा भाग बनवण्याचा विचार आहे.

यशस्वी जयस्वालच्या नावाची चर्चा :

सर्वात आश्चर्यकारक गोष्ट अशी की राजस्थान रॉयल्सचा स्टार ओपनर फलंदाज यशस्वी जयस्वालचं नाव आता समोर आलं आहे. जयस्वालच्या संदर्भात दोन्ही फ्रँचायझींमध्ये चर्चा झाली असून, राजस्थान संघाने त्याच्या बदल्यात लखनौकडून आणखी एका भारतीय वेगवान गोलंदाजाची मागणी केली आहे. जरी जयस्वालच्या बाबतीत दोन्ही संघांमध्ये अद्याप कोणताही अंतिम करार झालेला नसला, तरीही संबंधित खेळाडूंना या संभाव्य बदलाबाबत आधीच कल्पना देण्यात आली आहे.

मोहम्मद शमीला ट्रेड करण्यामागे खास रणनीती :

राजस्थान रॉयल्सच्या या रणनीतीच्या मागे एक खास योजना असल्याचं समजतंय. राजस्थानच्या संघात आधीच जोफ्रा आर्चर, संदीप शर्मा, तुषार देशपांडे, क्वेना मफाका आणि नांद्रे बर्गर यांसारखे वेगवान गोलंदाज आहेत. शमीला संघात घेऊन करून, राजस्थानचा प्रयत्न असा आहे की परदेशी खेळाडूंच्या कोट्यातून केवळ जोफ्रा आर्चरवरच वेगवान गोलंदाजीची जबाबदारी सोपवावी. जेणेकरून इतर परदेशी खेळाडूंच्या जागा विशेष फलंदाज आणि ऑलराऊंडर खेळाडूंसाठी उपलब्ध होऊ शकतील.

सॅम करनच्या येण्याने लखनऊचा संघ होईल मजबूत :

लखनऊ सुपर जाएंट्ससाठी सुद्धा हा फायद्याचा ट्रेड आहे. कारण मोहम्मद शमी हा जवळपास 40 वर्षांचा असला तरी तो सामना पलटवण्याचा दम ठेवतो. मात्र तरी देखील लखनऊ संघ शमीला रिलीज करू शकतो. लखनौला आपल्या संघात समतोल साधण्यासाठी उत्कृष्ट ऑलराऊंडर खेळाडूंची अत्यंत गरज आहे. त्यांची ही गरज सॅम करन ही गरज अगदी उत्तम प्रकारे पूर्ण करू शकतो.

Add Zee News as a Preferred Source
TAGS:

About the Author

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.  पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES