रोहित शर्मा पुन्हा मुंबई इंडियन्सचा कर्णधार? IPL 2027 मध्ये करणार नेतृत्व, हार्दिक पांड्याची हकालपट्टी?

Rohit Sharma Mumbai Indians : आयपीएल 2027 सुरु होण्यासाठी आता काहीच महिन्याचा कालावधी शिल्लक आहे. डिसेंबर महिन्यात या आगामी सीजनसाठी मिनी ऑक्शन पार पडणार असून नोव्हेंबर महिन्याच्या मध्यापर्यंत सर्व संघांना आपल्या रिटेन आणि रिलीज खेळाडूंची यादी जाहीर करावी लागणार आहे. स्टार क्रिकेटर रोहित शर्माने आपल्या नेतृत्वात मुंबई इंडियन्सला तब्बल 5 आयपीएल ट्रॉफी जिंकून दिल्या. मात्र आयपीएल 2024 मध्ये त्याला कर्णधारवपदावरून बाजूला करून हार्दिक पांड्याकडे नेतृत्व सोपवण्यात आलेलं होतं. मात्र हार्दिकच्या नेतृत्वात संघाचा परफॉर्मन्स ढासळला. त्यामुळे आयपीएल 2027 साठी रोहित शर्माकडे पुन्हा नेतृत्व सोपवलं जाणार अशी माहिती मीडिया रिपोर्ट्समधून समोर येतेय.

रोहित होणार कर्णधार?

मीडिया रिपोर्ट्सनुसार आता पुन्हा एकदा रोहित शर्मा आगामी सीजनसाठी मुंबई इंडियन्सचा कर्णधार होऊ शकतो. रोहित शर्मा हा सध्या 39 वर्षांचा असून पुढील आयपीएलपर्यंत तो 40 वर्षांचा होईल. रोहित शर्मा पुन्हा एकदा जर आयपीएल सीजनमध्ये कर्णधार बनला तर तो कितीकाळ संघाचं नेतृत्व सांभाळणार हे पाहणं महत्वाचं ठरणार आहे. मात्र रोहित शर्मा हा पुन्हा मुंबई इंडियन्सचा कर्णधार होणार याविषयी कोणतंही अधिकृत वक्तव्य करण्यात आलेलं नाही. तेव्हा आता आगामी सीजनपूर्वी रोहितकडे कर्णधारपद सोपवण्यात आलं तर हार्दिक पांड्याचं काय होणार याविषयी सुद्धा फ्रेंचायझीमध्ये जोरदार चर्चा आहे.

रोहित आयपीएलमधील सर्वात यशस्वी कर्णधार :

रोहित शर्मा हा आयपीएलमधील सर्वात यशस्वी कर्णधार असून त्याने आपल्या नेतृत्वात मुंबई इंडियन्सला तब्बल 5 वेळा आयपीएलचं विजेतेपद जिंकून दिलं. तर त्यापाठोपाठ एम एस धोनीने सुद्धा चेन्नई सुपरकिंग्सचं नेतृत्व करत असताना तब्बल 5 वेळा आयपीएल स्पर्धा जिंकली आहे. आयपीएल 2013, आयपीएल 2015, आयपीएल 2017, आयपीएल 2019, आयपीएल 2020 अशी पाच वर्ष मुंबई संघाने आयपीएलचं विजेतेपद पटकावलं.

रोहित शर्माचं करिअर :

रोहित शर्माच्या आयपीएल करिअरबद्दल बोलायचं झालं तर आयपीएल करिअरमध्ये त्याने आतापर्यंत 281 सामने खेळले आहेत. यातील 276 इनिंगमध्ये त्याने 7329 धावा केल्या असून या दरम्यान 2 शतक आणि 49 अर्धशतक त्याने ठोकलं आहे. ज्यात त्याचा सर्वोत्कृष्ट स्कोअर 109 असा होता. त्यांनी गोलंदाजी केलेल्या उर्वरित 32 इनिंगमध्ये हिटमॅनने 15 विकेट्स सुद्धा घेतले, ज्यामध्ये 4/6 ही त्यांची सर्वोत्तम कामगिरी होती.