वैभव सूर्यवंशीने रचला इतिहास, बनला जगातील सर्वात युवा टी20 कर्णधार
Vaibhav Sooryavanshi : सय्यद मुश्ताक अली ट्रॉफी 2026 सीजनमध्ये 14 नोव्हेंबर रोजी सौराष्ट्र विरुद्व बिहार सामन्यात वैभव सूर्यवंशीने इतिहास रचला आहे. तो बिहारकडून कर्णधार म्हणून टॉस करण्यासाठी आला, अशा तऱ्हेने तो जगातील सर्वात युवा टी20 कर्णधार बनला आहे.
Vaibhav Sooryavanshi : 15 वर्षांचा वैभव सूर्यवंशी आता जगातील सर्वात युवा टी20 कर्णधार बनला आहे. सय्यद मुश्ताक अली ट्रॉफी 2026 सीजनमध्ये 14 नोव्हेंबर रोजी सौराष्ट्र विरुद्व बिहार सामन्यात वैभव सूर्यवंशी हा बिहारकडून टॉस करण्यासाठी आला असून त्याने आपल्या नावावर अनोखा रेकॉर्ड नोंदवला आहे. डाव्या हाताचा विस्फोटक फलंदाज वैभव सूर्यवंशीने 15 वर्ष आणि 232 दिवसांच्या वयात बिहार संघाचं नेतृत्व करून इतिहास रचला आहे. यापूर्वी हा रेकॉर्ड क्रोएशियाच्या जॅक याच्या नावावर होता. त्याने 17 वर्ष 311 दिवसांच्या वयात त्याने राष्ट्रीय संघाचं नेतृत्व केलं होतं.
18 धावा करून बाद :
इंदौरच्या होळकर स्टेडियममध्ये वैभव सूर्यवंशीने टॉस जिंकून प्रथम फलंदाजीचा निर्णय घेतला. मात्र कर्णधार म्हणून आपल्या पहिल्याच सामन्यात वैभवला फारसा प्रभाव पाडता आला नाही. तो 12 बॉलमध्ये केवळ 18 धावा करून बाद झाला. डावखुरा वेगवान गोलंदाज चेतन साकरियाने त्याला क्लीन बोल्ड केले. वैभवसाठी ही पहिलीच नेतृत्वाची जबाबदारी नाही; याआधी त्याने दुलीप ट्रॉफीमध्ये ईस्ट झोन संघासाठी उपकर्णधार म्हणून काम केले होते, ज्या वेळी इशान किशन त्या संघाचे नेतृत्व करत होता.
वैभव सूर्यवंशी याने भारतासाठी शेवटचा सामना हा न्यूझीलंड दौऱ्यावर दिसला होता. पाच सामन्यांच्या टी20 सीरिज त्याला केवळ दोन सामन्यांत खेळण्याची संधी मिळाली, ज्यामध्ये त्याने 49 धावा केल्या. सय्यद मुश्ताक अली ट्रॉफीमध्ये तो बिहार संघाचे नेतृत्व केवळ दोन सामन्यांसाठी करेल, कारण त्यानंतर तो 'रायझिंग स्टार्स आशिया कप'साठी भारतीय संघासोबत प्रवास करणार आहे. ही स्पर्धा 19 नोव्हेंबरपासून कतारमध्ये सुरू होत आहे.
पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.