विराटने केल्या 74 धावा, अर्शदीपने घेतल्या 4 विकेट्स तरी अंशुल कंबोज कसा ठरला प्लेअर ऑफ द मॅच?
Player Of The Match Award IND VS NZ: भारत विरुद्ध न्यूझीलंड यांच्यात 4 नोव्हेंबर रोजी झालेल्या सामन्यात टीम इंडियाचा विजय झाला. यात विराटने 74 धावा केल्या तर अर्शदीपने 4 विकेट्स घेतल्या मात्र प्लेअर ऑफ द मॅचचा खिताब मात्र अंशुल कंबोजला देण्यात आला.
Player Of The Match Award IND VS NZ: भारत विरुद्ध न्यूझीलंड यांच्यात पाच सामन्यांची वनडे सीरिज खेळवली जात असून यातील पहिला सामना 4 नोव्हेंबर रोजी खेळवला गेला. या सामन्यात सुरुवातीला गोलंदाजांनी जबरदस्त प्रदर्शन केलं आणि त्यानंतर शुभमन गिल अन विराट कोहली या दोघांनी फलंदाजीत उत्तम कामगिरी केली. या सामन्यात अर्शदीप सिंहने 4 विकेट घेतले तर विराटने 51 बॉलमध्ये 74 धावा केल्या. मात्र असं असूनही 2 विकेट घेणारा अंशुल कंबोज हा प्लेअर ऑफ द मॅच ठरला. या वेगवान गोलंदाजाने या सामन्यात दोनच विकेट घेतले असं असूनही विराट आणि अर्शदीपला डावलून त्याला प्लेअर ऑफ द मॅचचा अवॉर्ड का देण्यात आला याविषयी जाणून घेऊयात.
अंशुल कंबोज बनला प्लेअर ऑफ द मॅच :
अंशुल कंबोजला 'प्लेअर ऑफ द मॅच' म्हणून निवडण्यामागचे एक प्रमुख कारण म्हणजे त्याची किफायतशीर गोलंदाजी. त्याने आपल्या 10 ओव्हरमध्ये केवळ 22 धावा दिल्या आणि 2 विकेट घेतल्या. त्याची गोलंदाजी इतकी प्रभावी होती की त्याने 46 डॉट बॉल्स टाकले म्हणजेच 46 बॉल त्याने एकही धाव दिली नाही. या खेळाडूने ऑकलंडमध्ये उत्कृष्ट गोलंदाजी केली. त्याने आपल्या 'शॉर्ट ऑफ लेंथ' बॉलिंगने न्यूझीलंडच्या फलंदाजांना मोठ्या अडचणीत आणले. अंशुल कंबोजने मिचेल सँटनर आणि नॅथन स्मिथ यांच्या विकेट्स घेतल्या.
अंशुल कंबोजने गेल्या महिन्यात वेस्ट इंडिजविरुद्ध वनडे क्रिकेटमध्ये पदार्पण केले होते. ज्या सामन्यात त्याने 82 धावा दिल्या होत्या. आता पुन्हा संधी मिळाल्यावर त्याने आपल्या कारकिर्दीतील केवळ दुसऱ्याच सामन्यात 'प्लेअर ऑफ द मॅच' हा पुरस्कार पटकावला आहे. अंशुल कंबोजने फक्त 2 विकेट घेऊन प्लेअर ऑफ द मॅच बनणारा 7 वा भारतीय गोलंदाज आहे. जसप्रीत बुमराहला 2 वेळा 2 विकेट घेण्यासाठी प्लेअर ऑफ द मॅचचा खिताब मिळाला आहे. अनिल कुंबळे यांना 1990 मध्ये इंग्लंडविरुद्धच्या एका वनडे सामन्यात 2 विकेट घेतल्याबद्दल पहिल्यांदा 'प्लेअर ऑफ द मॅच' हा पुरस्कार मिळाला.
पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
