Kavya Maran And Anirudha Wedding : आयपीएलमध्ये सनरायजर्स हैदराबादची मालकीण काव्या मारन आणि प्रसिद्ध अनिरुद्ध रविचंदर हे दोघे लवकरच विवाह बंधनात अडकणार आहेत. अनिरुद्ध आणि काव्या हे दोघे 11 नोव्हेंबर रोजी ग्रीसमध्ये विवाह बंधनात अडकणार आहेत. त्यामुळे दोघांच्या विवाह कार्यक्रमांना सुरुवात झाली असून या ग्रीसमधील शाही विवाह सोहळ्याला उपस्थित राहण्यासाठी अनेक खास पाहुणे आणि VVIP हे ग्रीसला रवाना झाले आहेत. तर दोघांच्या विवाह सोहळ्यानंतर 21 नोव्हेंबर रोजी दोघांच्या लग्नाचं रिसेप्शन हे चेन्नईत पार पडणार आहेत.
ग्रीसमध्ये शाही विवाह सोहळा :
काव्या आणि अनिरुद्ध हे दोघेच ग्रीसमध्ये 11 नोव्हेंबर रोजी विवाह बंधनात अडकणार असून जोडप्याने त्यांचं लग्न हे खूप प्रायव्हेट ठेवलं आहे. यात अत्यंत खास लोकांचा समावेश असणार आहे. मीडिया रिपोर्ट्सनुसार गायक आणि संगीतकार अनिरुद्ध रविचंदर हा त्याच्या नातेवाईकांसोबत दोन दिवसांपूर्वीच ग्रीसला पोहोचला आहे.
विमानतळावर स्पॉट झाले पाहुणे :
तमिळनाडूचे मुख्यमंत्री एम. के. स्टॅलिन हे त्यांच्या पत्नी दुर्गा स्टॅलिन यांच्यासोबत ग्रीसला रवाना झाले आहेत. तिथे ते एका विवाह सोहळ्याला उपस्थित राहणार आहेत. सोशल मीडियावरील काही पॅपाराझी पेजेसनी एम. के. स्टॅलिन आणि दुर्गा स्टॅलिन यांना विमानतळावर पाहिले. दरम्यान विमानतळावरील रजनीकांत यांचा एक व्हिडिओही समोर आला आहे. उदयनिधी स्टॅलिन देखील या विवाह सोहळ्यासाठी तिथे पोहोचणार आहेत. अनिरुद्ध आणि काव्या हे दोघे ग्रीसमध्ये विवाह बंधनात अडकणार असून या सगळ्यात VVIP पाहुणे देखील सहभागी होतील. तर चेन्नईत होणाऱ्या रिसेप्शनमध्ये अनेक बडे राजकीय नेते, बिझनेस तसेच मनोरंजन क्षेत्रातील नामवंत व्यक्ती उपस्थित राहण्याची शक्यता आहे. काव्या आणि अनिरुद्ध या जोडप्याची लग्नपत्रिका सोशल मीडियावर चांगलीच चर्चेत आली होती. काव्या आणि अनिरुद्ध यांचं लग्न हे केवढं भव्य असणार आहे हे त्यांच्या लग्नपत्रिकेवरूनच लक्षात येतं. ती अत्यंत अनोख्या आणि राजेशाही थाटात तयार करण्यात आली होती.